Ramesh Chennithala Protest: സതീശൻ പ്രഖ്യാപനത്തിന്...

മാധ്യമങ്ങളെ കാണാതെ ചെന്നിത്തല മടങ്ങി; സതീശന്റെ പ്രഖ്യാപനത്തിന് പിന്നാലെ ദുരൂഹതയുണർത്തി ‘അപ്രത്യക്ഷനാകൽ’!

മുഖ്യമന്ത്രിയായി വി.ഡി. സതീശനെ പ്രഖ്യാപിച്ചതിന് പിന്നാലെ കടുത്ത അതൃപ്തിയുമായി രമേശ് ചെന്നിത്തല. (Ramesh Chennithala Protest) തിരുവനന്തപുരത്തെ വീട്ടിൽ പ്രതികരണം തേടിയെത്തിയ മാധ്യമപ്രവർത്തകരെ കാണാതെ അദ്ദേഹം പുറത്തേക്ക് പോയതായാണ് റിപ്പോർട്ട്. ചെന്നിത്തല വീട്ടിൽ ഇല്ലെന്ന് കെപിസിസി സെക്രട്ടറി ജ്യോതികുമാർ ചാമക്കാല സ്ഥിരീകരിച്ചു. നിയമസഭാ കക്ഷി യോഗത്തിൽ അദ്ദേഹം പങ്കെടുക്കില്ലെന്ന സൂചനകൾ നിലനിൽക്കെ, ചെന്നിത്തല ഗുരുവായൂരിലേക്ക് പോയതായും അഭ്യൂഹങ്ങളുണ്ട്. പ്രഖ്യാപനത്തിന് മുൻപ് രാഹുൽ ഗാന്ധിയും ഹൈക്കമാൻഡ് പ്രതിനിധികളും അദ്ദേഹവുമായി സംസാരിച്ചിരുന്നുവെങ്കിലും ചെന്നിത്തല തന്റെ വിയോജിപ്പ് അറിയിച്ചതായാണ് വിവരം. എംഎൽഎമാരായ അൻവർ സാദത്ത്, ടി.ജെ. വിനോദ് എന്നിവർ രാവിലെ ചെന്നിത്തലയെ സന്ദർശിച്ചിരുന്നു. പത്ത് ദിവസത്തെ നാടകീയതയ്ക്കുശേഷം മുഖ്യമന്ത്രിയെ പ്രഖ്യാപിച്ചെങ്കിലും ചെന്നിത്തലയുടെ ഈ മൗനം വരും ദിവസങ്ങളിൽ കോൺഗ്രസിനുള്ളിൽ പുതിയ ചർച്ചകൾക്ക് വഴിതുറക്കും.