Kerala catering workers facing LPG gas shortage crisis
സംസ്ഥാനത്തെ കാറ്ററിങ് വ്യവസായ മേഖല കടുത്ത പ്രതിസന്ധിയിലേക്ക്. പാചകവാതകത്തിന്റെ അമിതമായ വിലവർധനവും സിലിണ്ടറുകളുടെ ലഭ്യതക്കുറവുമാണ് ഈ മേഖലയെ തളർത്തുന്നത്. കഴിഞ്ഞ അഞ്ചുമാസത്തിനിടെ വാണിജ്യ സിലിണ്ടറിന്റെ വില അഞ്ചുതവണയാണ് വർധിച്ചത്. ആകെ 1518 രൂപയോളം സിലിണ്ടർ ഒന്നിന് അധികം നൽകേണ്ടി വരുന്നത് സംരംഭകർക്ക് വലിയ ബാധ്യതയാകുന്നു. കൂടുതൽ വിവരങ്ങൾ Media7news.com-ൽ വായിക്കുക. ഔദ്യോഗിക വിവരങ്ങൾക്ക് Kerala Caterers Association സന്ദർശിക്കാം.
ഗ്യാസ് ലഭ്യത ഉറപ്പില്ലാത്തതിനാൽ പുതിയ ഓർഡറുകൾ എടുക്കാൻ കാറ്ററേഴ്സ് തയ്യാറാകുന്നില്ല. മാസങ്ങൾക്ക് മുമ്പ് കുറഞ്ഞ നിരക്കിൽ സ്വീകരിച്ച വിവാഹ ഓർഡറുകൾ പോലും വലിയ നഷ്ടത്തിൽ പൂർത്തിയാക്കേണ്ടി വരുന്നത് നൂറുകണക്കിന് യൂണിറ്റുകളെ പൂട്ടലിന്റെ വക്കിലെത്തിച്ചു. കേരളത്തിൽ അംഗീകൃത ലൈസൻസുള്ള 3500-ഓളം യൂണിറ്റുകളിലായി ഒന്നര ലക്ഷത്തോളം തൊഴിലാളികളാണ് ഈ മേഖലയെ ആശ്രയിച്ചു കഴിയുന്നത്. ജോലി കുറയുന്നതോടെ തൊഴിലാളികൾ കൂട്ടത്തോടെ മറ്റു മേഖലകളിലേക്ക് ചേക്കേറുകയാണ്. സർക്കാർ അടിയന്തരമായി ഇടപെട്ടില്ലെങ്കിൽ സാധാരണക്കാരുടെ വിവാഹങ്ങളും പൊതുപരിപാടികളും പ്രതിസന്ധിയിലാകുമെന്ന് കേരള കാറ്ററേഴ്സ് അസോസിയേഷൻ മുന്നറിയിപ്പ് നൽകുന്നു. [ഇവിടെ കാണുക](https://www.instagram.com/media7onlive/)
About The Author
