Vijay taking oath as Tamil Nadu chief minister at Chennai stadium
തമിഴ്നാട് രാഷ്ട്രീയത്തിൽ പുതിയൊരു യുഗത്തിന് തുടക്കം കുറിച്ചുകൊണ്ട് തമിഴക വെട്രി കഴകം (TVK) അധ്യക്ഷൻ വിജയ് മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു. ചെന്നൈ ജവഹർലാൽ നെഹ്റു സ്റ്റേഡിയത്തിൽ ഇന്ന് രാവിലെ 10 മണിക്ക് നടന്ന പ്രൗഢഗംഭീരമായ ചടങ്ങിൽ വിജയ്ക്കൊപ്പം ഒൻപത് മന്ത്രിമാരും സത്യപ്രതിജ്ഞ ചെയ്തു. അഞ്ചുദിവസം നീണ്ടുനിന്ന രാഷ്ട്രീയ അനിശ്ചിതത്വങ്ങൾക്കൊടുവിൽ കോൺഗ്രസ്, വിസികെ, സിപിഐ, സിപിഎം, മുസ്ലീം ലീഗ് എന്നീ പാർട്ടികളുടെ പിന്തുണ ഉറപ്പാക്കിയാണ് വിജയ് ഗവർണറെ കണ്ട് സർക്കാർ രൂപീകരണത്തിന് അവകാശവാദം ഉന്നയിച്ചത്. കൂടുതൽ വിവരങ്ങൾ media7news.com-ൽ വായിക്കുക. ഔദ്യോഗിക വിവരങ്ങൾക്ക് Government of Tamil Nadu സന്ദർശിക്കാം.
ലോക്സഭാ പ്രതിപക്ഷ നേതാവ് രാഹുൽ ഗാന്ധി, നടി തൃഷ തുടങ്ങി സിനിമ-രാഷ്ട്രീയ മേഖലയിലെ വൻനിര തന്നെ ചടങ്ങിന് സാക്ഷ്യം വഹിക്കാൻ എത്തിയിരുന്നു. എഐഎഡിഎംകെ വിട്ടു വന്ന മുതിർന്ന നേതാവ് കെ.എ. സെങ്കോട്ടയ്യൻ, വിജയ്യുടെ വിശ്വസ്തൻ ആധവ് അർജുനൻ എന്നിവർ മന്ത്രിസഭയിലെ പ്രമുഖ മുഖങ്ങളാണ്. നിർമ്മൽ കുമാർ, ആനന്ദ്, രാജ് മോഹൻ, ഡോ. ടി.കെ. പ്രഭു, ഡോ. അരുൺ രാജ്, പി. വെങ്കിട്ടരമണൺ എന്നിവർക്കൊപ്പം വിരുദുനഗറിൽ നിന്നുള്ള കീർത്തനയാണ് മന്ത്രിസഭയിലെ ഏറ്റവും പ്രായം കുറഞ്ഞ പ്രതിനിധി. ദ്രാവിഡ രാഷ്ട്രീയത്തിന് ബദലായി ഒരു സിനിമ താരം തമിഴ് മണ്ണിന്റെ ഭരണം ഏറ്റെടുക്കുന്നത് ദേശീയ രാഷ്ട്രീയത്തിലും വലിയ ചർച്ചയായിട്ടുണ്ട്.
About The Author
