Thiruvananthapuram AC Explosion: അറ്റകുറ്റപ്പണിക്കിടെ...

തിരുവനന്തപുരത്ത് എസി പൊട്ടിത്തെറിച്ചു; അറ്റകുറ്റപ്പണിക്കിടെ അപകടം, ഒരാളുടെ നില ഗുരുതരം

തിരുവനന്തപുരം ജില്ലാ സ്പോർട്സ് കൗൺസിൽ ഓഫീസിൽ എസി അറ്റകുറ്റപ്പണിക്കിടെയുണ്ടായ പൊട്ടിത്തെറിയിൽ രണ്ട് പേർക്ക് പരിക്ക്. (Thiruvananthapuram AC Explosion) ഇതിൽ ഗ്യാസ് സിലിണ്ടർ കൈവശം വച്ചിരുന്ന ടെക്നീഷ്യന്റെ നില അതീവ ഗുരുതരമാണെന്നാണ് റിപ്പോർട്ട്. ഓഫീസിലെ എസിയിൽ ഗ്യാസ് നിറയ്ക്കുന്നതിനിടെയാണ് അപ്രതീക്ഷിതമായി പൊട്ടിത്തെറിയുണ്ടായത്. പരിക്കേറ്റ രണ്ട് മെക്കാനിക്കുകളെയും ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സ്ഫോടനത്തിന്റെ ആഘാതത്തിൽ ഓഫീസിന് സാരമായ കേടുപാടുകൾ സംഭവിക്കുകയും പുറത്ത് പാർക്ക് ചെയ്തിരുന്ന കാറിന്റെ ചില്ലുകൾ തകരുകയും ചെയ്തു. അപകടസമയത്ത് ഓഫീസിൽ കൂടുതൽ ജീവനക്കാർ ഇല്ലാതിരുന്നതിനാൽ വലിയൊരു ദുരന്തം ഒഴിവായി. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.