NEET Train Protest: കണ്ണൂരിൽ കെഎസ്‌യു ട്രെയിൻ...

നീറ്റ് പരീക്ഷാ ക്രമക്കേട്: കണ്ണൂരിൽ ട്രെയിൻ തടഞ്ഞ് കെഎസ്‌യു പ്രതിഷേധം; എറണാകുളം ഇന്റർസിറ്റി തടഞ്ഞു

നീറ്റ് പരീക്ഷാ ചോദ്യപേപ്പർ ചോർച്ചയിലും ക്രമക്കേടുകളിലും പ്രതിഷേധിച്ച് കണ്ണൂർ റെയിൽവേ സ്റ്റേഷനിൽ കെഎസ്‌യു (KSU) പ്രവർത്തകരുടെ ട്രെയിൻ തടയൽ സമരം. (NEET Train Protest) കണ്ണൂരിൽ നിന്നും പുറപ്പെടേണ്ടിയിരുന്ന എറണാകുളം ഇന്റർസിറ്റി എക്സ്‌പ്രസാണ് പ്രവർത്തകർ തടഞ്ഞത്. റെയിൽവേ ട്രാക്കിലിറങ്ങി മുദ്രാവാക്യം വിളിച്ച പ്രതിഷേധക്കാരെ റെയിൽവേ പോലീസും ലോക്കൽ പോലീസും ചേർന്നാണ് നീക്കം ചെയ്തത്. ദേശീയ തലത്തിൽ ലക്ഷക്കണക്കിന് വിദ്യാർത്ഥികളുടെ ഭാവി അനിശ്ചിതത്വത്തിലാക്കിയ പരീക്ഷാ ക്രമക്കേടിൽ കേന്ദ്ര സർക്കാർ മറുപടി പറയണമെന്നും സമഗ്രമായ അന്വേഷണം വേണമെന്നുമാണ് പ്രതിഷേധക്കാരുടെ ആവശ്യം. ട്രെയിൻ തടയലിനെത്തുടർന്ന് പത്ത് മിനിറ്റോളം വൈകിയാണ് ഇന്റർസിറ്റി യാത്ര തിരിച്ചത്.