Tesla Cybertruck wade mode test in lake
ടെസ്ല സൈബർട്രക്കിന്റെ ഓഫ്-റോഡ് ഫീച്ചറായ ‘വെയ്ഡ് മോഡ്’ പരീക്ഷിക്കാൻ വാഹനം തടാകത്തിലിറക്കിയ ഉടമ അമേരിക്കയിലെ ടെക്സാസിൽ അറസ്റ്റിലായി. ജിമ്മി ജാക്ക് മക്ഡാനിയൽ എന്ന ഡ്രൈവറാണ് ടെക്സാസിലെ ഗ്രേപ്പ്വൈൻ തടാകത്തിൽ വാഹനം ഇറക്കിയതിനെ തുടർന്ന് പോലീസിന്റെ പിടിയിലായത്. തിങ്കളാഴ്ച രാത്രി കാറ്റീസ് വുഡ്സ് ബോട്ട് റാമ്പിന് സമീപം വാഹനം തടാകത്തിൽ മുങ്ങുന്നതായി വിവരം ലഭിച്ചതോടെ പോലീസും അഗ്നിശമനസേനയും സ്ഥലത്തെത്തുകയായിരുന്നു. വാഹനം തകരാറിലാകുകയും ഉള്ളിൽ വെള്ളം കയറുകയും ചെയ്തതോടെ ഡ്രൈവറും യാത്രക്കാരും കാർ ഉപേക്ഷിച്ച് രക്ഷപ്പെട്ടിരുന്നു. പിന്നീട് ഗ്രേപ്പ്വൈൻ ഫയർ ഡിപ്പാർട്ട്മെന്റിന്റെ വാട്ടർ റെസ്ക്യൂ ടീം എത്തി റെക്കർ (wrecker) ഉപയോഗിച്ചാണ് ലക്ഷങ്ങൾ വിലമതിക്കുന്ന സൈബർട്രക്ക് വെള്ളത്തിൽ നിന്ന് കരയ്ക്ക് കയറ്റിയത്. (Tesla Cybertruck Wade Mode)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Tesla
സന്ദർശിക്കാം.
ആഴം കുറഞ്ഞ വെള്ളത്തിലൂടെ സഞ്ചരിക്കാൻ ഉദ്ദേശിച്ചുള്ള ‘വെയ്ഡ് മോഡ്’ ആക്ടിവേറ്റ് ചെയ്താൽ വാഹനത്തിന്റെ സസ്പെൻഷൻ ഉയരുമെങ്കിലും, ആഴമുള്ള വെള്ളത്തിൽ വാഹനം ഇറക്കരുതെന്ന് ടെസ്ലയുടെ ഓണേഴ്സ് മാനുവലിൽ കൃത്യമായ മുന്നറിയിപ്പുണ്ട്. മുൻപ് അറ്റ്ലാന്റിക് സമുദ്രത്തിൽ വരെ താൻ ഈ വാഹനം ഓടിച്ചിട്ടുണ്ടെന്നാണ് ഡ്രൈവർ പോലീസിനോട് പറഞ്ഞത്. എന്നാൽ അനുമതിയില്ലാത്ത തടാകത്തിൽ വാഹനം ഓടിച്ചു, ബോട്ട് രജിസ്ട്രേഷൻ ഇല്ലാതെ വാഹനം വെള്ളത്തിലിറക്കി, സുരക്ഷാ നിയമങ്ങൾ ലംഘിച്ചു എന്നീ കുറ്റങ്ങൾ ചുമത്തി ഇയാളെ ഗ്രേപ്പ്വൈൻ ജയിലിലടച്ചു. വാഹനം വെള്ളത്തിൽ ഇറക്കാൻ സാങ്കേതികമായി സാധിക്കുമെങ്കിലും ഇത്തരം പ്രവൃത്തികൾ കടുത്ത നിയമനടപടികൾക്ക് കാരണമാകുമെന്ന് ടെക്സാസ് അധികൃതർ മുന്നറിയിപ്പ് നൽകുന്നു.
ഇവിടെ കാണുക
About The Author
