Tamil Nadu Special Representative appointment of K V Narayana sparks political controversy
Tamil Nadu Special Representative നിയമനവുമായി ബന്ധപ്പെട്ട വിവാദം തമിഴ്നാട് രാഷ്ട്രീയത്തിൽ ശക്തമായ ചർച്ചകൾക്ക് വഴിവെച്ചിരിക്കുകയാണ്. സർക്കാർ തീരുമാനത്തിനെതിരെ വിവിധ പ്രതിപക്ഷ കക്ഷികൾ രംഗത്തെത്തിയതോടെ വിഷയത്തിന് കൂടുതൽ രാഷ്ട്രീയ പ്രാധാന്യം കൈവന്നിട്ടുണ്ട്.
പ്രത്യേക പ്രതിനിധി നിയമനത്തെ ചൊല്ലി രാഷ്ട്രീയ വിവാദം | Tamil Nadu Special Representative
#TamilNaduPolitics #KVNarayana #VijayGovernment #KVNProductions #AIADMK #DMK #BJP #TamilNaduNews #PoliticalControversy
ബെംഗളൂരു ആസ്ഥാനമായ റിയൽ എസ്റ്റേറ്റ് ഗ്രൂപ്പിന്റെ മുൻ മേധാവിയും പ്രശസ്ത സിനിമാ നിർമാതാവുമായ കെ. വെങ്കട നാരായണയെ (കെ.വി.എൻ) ഡൽഹിയിൽ തമിഴ്നാട് സർക്കാരിന്റെ പ്രത്യേക പ്രതിനിധിയായി നിയമിച്ചതിനെതിരെ പ്രതിപക്ഷ കക്ഷികൾ കടുത്ത വിമർശനവുമായി രംഗത്ത്. വിജയ് നായകനായ ‘ജനനായകൻ’ എന്ന ചിത്രത്തിന്റെ നിർമാതാവായ കെ.വി.എന്നിന് കാബിനറ്റ് പദവിയോടെയാണ് വെള്ളിയാഴ്ച തമിഴ്നാട് സർക്കാർ ഈ നിർണായക പദവി നൽകിയത്. സംസ്ഥാനത്തിന്റെ വിവിധ ആവശ്യങ്ങൾക്കും പദ്ധതികൾക്കുമായി കേന്ദ്രസർക്കാരുമായി നേരിട്ട് ബന്ധപ്പെട്ടു പ്രവർത്തിക്കുകയാണ് പ്രത്യേക പ്രതിനിധിയുടെ പ്രധാന ചുമതല. എന്നാൽ തമിഴ്നാട്ടിൽ ഈ തസ്തികയ്ക്ക് യോഗ്യരായ ആരുമില്ലാത്തതുകൊണ്ടാണോ കർണാടകയിൽ നിന്നുള്ള ഒരാളെ ഈ പദവിയിൽ നിയമിച്ചതെന്ന് പ്രതിപക്ഷ നേതാക്കൾ ചോദ്യമുയർത്തുന്നു. തിരഞ്ഞെടുപ്പ് കഴിഞ്ഞ് സർക്കാർ രൂപീകരണത്തിന് അവകാശമുന്നയിക്കാൻ മുഖ്യമന്ത്രി വിജയ് ലോക്ഭവനിൽ എത്തിയപ്പോഴും കെ.വി.എൻ കൂടെയുണ്ടായിരുന്നു എന്നത് ഈ നിയമനത്തിന്റെ രാഷ്ട്രീയ പ്രാധാന്യം വർദ്ധിപ്പിക്കുന്നു.
ഈ നിയമനത്തിനെതിരെ തമിഴ്നാട്ടിലെ പ്രമുഖ രാഷ്ട്രീയ കക്ഷികളെല്ലാം ഒരേ സ്വരത്തിലാണ് രംഗത്തെത്തിയിരിക്കുന്നത്. കർണാടകത്തിലെ കോൺഗ്രസ് മന്ത്രിസഭയുടെ നിഴൽ സർക്കാരാണ് തമിഴ്നാട്ടിലെ വിജയ് മന്ത്രിസഭയെന്ന് അണ്ണാ ഡി.എം.കെ കുറ്റപ്പെടുത്തിയപ്പോൾ, സംസ്ഥാനത്തുള്ള ആർക്കും യോഗ്യതയില്ലാത്തതുകൊണ്ടാണോ പുറത്തുനിന്നുള്ളയാളെ പ്രതിനിധിയാക്കിയതെന്ന് ഡി.എം.കെ നേതാവ് കനിമൊഴി ചോദിച്ചു. തമിഴ്നാടുമായി ഒരു ബന്ധവുമില്ലാത്ത ഒരാൾക്ക് എങ്ങനെ സംസ്ഥാനത്തിന്റെ പ്രതിനിധിയാകാൻ കഴിയുമെന്നാണ് ബി.ജെ.പി സംസ്ഥാന അധ്യക്ഷൻ നൈനാർ നാഗേന്ദ്രൻ ചോദ്യമുന്നയിച്ചത്. മേക്കേദാട്ടു അണക്കെട്ടുമായി ബന്ധപ്പെട്ട് കർണാടകയുമായി തർക്കം നിലനിൽക്കുമ്പോൾ ഈ നിയമനം അംഗീകരിക്കാനാവില്ലെന്ന് എൻ.ടി.കെ നേതാവ് സീമാനും, വിജയിന്റെ അവസാന സിനിമയുടെ നിർമാതാവിനുള്ള സമ്മാനമാണ് ഈ പദവിയെന്ന് ടി.ടി.വി ദിനകരനും ആരോപിച്ചു. എന്നാൽ, ഇത് സർക്കാരിന്റെ നയപരമായ തീരുമാനമാണെന്നും ഏതൊരു ഇന്ത്യൻ പൗരനെയും ഈ സ്ഥാനത്ത് നിയമിക്കാമെന്നും വ്യക്തമാക്കി മന്ത്രി കെ.എ. സെങ്കോട്ടയ്യൻ നിയമനത്തെ ന്യായീകരിച്ചു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Government of Tamil Nadu സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
