Priyadarshini Bus Protest by private bus owner in Idukki against KSRTC service timing
Priyadarshini Bus Protest സംഭവത്തെ തുടർന്ന് കെഎസ്ആർടിസി സർവീസുകളും സ്വകാര്യ ബസ് മേഖലയുമായുള്ള സമയക്രമ തർക്കം വീണ്ടും ചർച്ചയാകുകയാണ്. ഇടുക്കിയിൽ നടന്ന പ്രതിഷേധത്തിന്റെ ദൃശ്യങ്ങൾ സമൂഹമാധ്യമങ്ങളിലും വ്യാപകമായി പ്രചരിക്കുന്നുണ്ട്.
സമയക്രമ തർക്കം രൂക്ഷമായി | Priyadarshini Bus Protest
ഇടുക്കി: കെഎസ്ആർടിസിയുടെ പ്രിയദർശിനി ബസ് സമയം തെറ്റി സർവീസ് നടത്തിയതിൽ പ്രതിഷേധിച്ച് ബസിന്റെ മുൻചക്രത്തിന് മുന്നിൽ കിടന്ന് സ്വകാര്യ ബസുടമയുടെ നാടകീയ പ്രതിഷേധം. ഇടുക്കി ഉപ്പുതറയിലാണ് സിനിമയെ വെല്ലുന്ന രീതിയിലുള്ള സംഭവവികാസങ്ങൾ അരങ്ങേറിയത്. ഉപ്പുതറ-കട്ടപ്പന റൂട്ടിൽ സർവീസ് നടത്തുന്ന ‘കുട്ടിമാളു’ എന്ന സ്വകാര്യ ബസിന്റെ ഉടമ രാജേഷാണ് ജീവന്മരണ പ്രതിഷേധവുമായി രംഗത്തിറങ്ങിയത്. കുട്ടിമാളു ബസ് ഓടേണ്ട കൃത്യ സമയത്ത് കോട്ടയത്തുനിന്നും വാഗമൺ വഴി കട്ടപ്പനയ്ക്ക് കെഎസ്ആർടിസിയുടെ പ്രിയദർശിനി ബസ് എത്തിയതാണ് തർക്കത്തിന് കാരണമായത്. ഇതേതുടർന്ന് റോഡിൽ വച്ച് കെഎസ്ആർടിസി ബസ് തടഞ്ഞ രാജേഷ്, ഡ്രൈവറോട് സമയം തെറ്റി സർവീസ് നടത്തുന്നതിനെക്കുറിച്ച് ചോദ്യം ചെയ്യുകയും തുടർന്ന് ബസിന്റെ ടയറിന് മുന്നിൽ കിടന്ന് പ്രതിഷേധിക്കുകയുമായിരുന്നു.
സ്ത്രീകൾക്കായി സർക്കാർ നടപ്പിലാക്കിയ പ്രിയദർശിനി സൗജന്യ യാത്രാ പദ്ധതി ഇതിനകം തന്നെ സ്വകാര്യ ബസ് മേഖലയ്ക്ക് കനത്ത സാമ്പത്തിക പ്രതിസന്ധി സൃഷ്ടിച്ചിരിക്കുകയാണ്. ഇതിനിടയിലാണ് സ്വകാര്യ ബസുകളുടെ സമയക്രമം കൂടി തെറ്റിച്ച് കെഎസ്ആർടിസി സർവീസുകൾ നടത്തുന്നത്. തന്റെ നെഞ്ചത്തോട്ട് ബസ് എടുത്തോളാൻ ആക്രോശിച്ചുകൊണ്ടായിരുന്നു രാജേഷിന്റെ പ്രതിഷേധം. കളക്ഷൻ വൻതോതിൽ ഇടിഞ്ഞ് ജീവിക്കാൻ വഴിയില്ലാതെ വലയുന്ന സാഹചര്യത്തിലാണ് താൻ ഇത്തരമൊരു പ്രതിഷേധത്തിന് മുതിർന്നതെന്ന് ബസുടമ വ്യക്തമാക്കി. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. സ്വകാര്യ ബസ് മേഖല നേരിടുന്ന കടുത്ത പ്രതിസന്ധിയുടെ നേർക്കാഴ്ചയാണ് ഈ സംഭവമെന്നാണ് മേഖലയിലുള്ളവർ ചൂണ്ടിക്കാണിക്കുന്നത്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala State Road Transport Corporation (KSRTC) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
