POCSO Consent Ruling by Madras High Court on legal validity of minor consent
POCSO Consent Ruling സംബന്ധിച്ച ഏറ്റവും പുതിയ വിവരങ്ങളാണ് താഴെ നൽകിയിരിക്കുന്നത്.
POCSO Consent Ruling: പ്രധാന വിവരങ്ങൾ
പ്രായപൂർത്തിയാകാത്ത പെൺകുട്ടിയുടെ ഉഭയസമ്മതത്തോടെയായിരുന്നു ലൈംഗികബന്ധമെന്ന വാദം പോക്സോ നിയമപ്രകാരം നിലനിൽക്കില്ലെന്ന് മദ്രാസ് ഹൈക്കോടതിയുടെ മധുര ബെഞ്ച് വ്യക്തമാക്കി. 18 വയസ്സിന് താഴെയുള്ളവർ നൽകുന്ന സമ്മതത്തിന് നിയമപരമായ സാധുതയില്ലെന്ന് ജസ്റ്റിസ് എൻ. ആനന്ദ് വെങ്കടേഷും ജസ്റ്റിസ് കെ.കെ. രാമകൃഷ്ണനുമടങ്ങുന്ന ഡിവിഷൻ ബെഞ്ച് ചൂണ്ടിക്കാണിച്ചു. പ്ലസ് വൺ വിദ്യാർഥിനിയെ ആവർത്തിച്ച് ലൈംഗികമായി പീഡിപ്പിച്ച് ഗർഭിണിയാക്കിയ കേസിൽ 19-കാരന് കീഴ്ക്കോടതി വിധിച്ച ജീവപര്യന്തം തടവുശിക്ഷ ചോദ്യം ചെയ്ത് നൽകിയ അപ്പീൽ തള്ളിക്കൊണ്ടാണ് ഹൈക്കോടതിയുടെ ഈ സുപ്രധാന വിധി. വിവാഹവാഗ്ദാനം നൽകി പെൺകുട്ടിയുമായി അടുപ്പം സ്ഥാപിച്ച പ്രതി, പിന്നീട് ജാതിയുടെ പേര് പറഞ്ഞ് ബന്ധത്തിൽ നിന്ന് പിന്മാറുകയായിരുന്നു. പെൺകുട്ടി കുഞ്ഞിന് ജന്മം നൽകിയ ശേഷമാണ് അമ്മ പോലീസിൽ പരാതി നൽകിയത്.
താനും പെൺകുട്ടിയും തമ്മിൽ ദീർഘകാലമായി പ്രണയത്തിലായിരുന്നെന്നും ഉഭയസമ്മതപ്രകാരമാണ് ലൈംഗികബന്ധത്തിൽ ഏർപ്പെട്ടതെന്നും പ്രോസിക്യൂഷൻ തന്നെ സമ്മതിച്ചിട്ടുണ്ടെന്നുമായിരുന്നു പ്രതിഭാഗത്തിന്റെ വാദം. കൗമാരപ്രായത്തിലുള്ള രണ്ടുപേർ തമ്മിലുള്ള പ്രണയത്തിന്റെ പേരിൽ ജീവപര്യന്തം ശിക്ഷിക്കുന്നത് നീതിയല്ലെന്നും ഹർജിയിൽ പറഞ്ഞിരുന്നു. എന്നാൽ ഈ വാദം അംഗീകരിച്ചാൽ പോക്സോ നിയമത്തിന്റെ അന്തസ്സത്ത തന്നെ ഇല്ലാതാകുമെന്ന് ഹൈക്കോടതി നിരീക്ഷിച്ചു. പ്രായപൂർത്തിയാകാത്ത പെൺകുട്ടി ലൈംഗികബന്ധത്തിലൂടെ ഗർഭിണിയായാൽ അത് കുറ്റം തന്നെയാണ്. പ്രണയബന്ധമെന്ന പേരിൽ അതിനെ കുറ്റവിമുക്തമാക്കാൻ നിയമത്തിൽ വ്യവസ്ഥയില്ലെന്നും, കുട്ടികളുടെ സമ്മതത്തെ നിയമപരമായി സമ്മതമായി കണക്കാക്കാൻ കഴിയില്ലെന്നും കോടതി അസന്നിഗ്ദ്ധമായി വ്യക്തമാക്കി.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
സന്ദർശിക്കാം.
കൂടുതൽ വാർത്തകൾക്ക് Media7News സന്ദർശിക്കൂ
About The Author
