Operation Thoofan Crackdown investigation into drug trafficking networks in Kerala
Operation Thoofan Crackdown സംബന്ധിച്ച ഏറ്റവും പുതിയ വിവരങ്ങളാണ് താഴെ നൽകിയിരിക്കുന്നത്.
Operation Thoofan Crackdown: പ്രധാന വിവരങ്ങൾ
കൊല്ലം: സംസ്ഥാനത്ത് ലഹരിമാഫിയക്കെതിരെ പൊലീസ് ‘ഓപ്പറേഷൻ തൂഫാൻ’ ശക്തമാക്കിയതോടെ, പിടിയിലാകാതിരിക്കാൻ പുതിയ തന്ത്രങ്ങളുമായി ലഹരി കടത്തുസംഘങ്ങൾ. പൊലീസിന്റെ കണ്ണുവെട്ടിക്കാൻ കോളജ് വിദ്യാർഥിനികളെയും മറ്റ് പെൺകുട്ടികളെയും ഇവർ കാരിയർമാരായി ഉപയോഗിക്കുന്നതായാണ് പുതിയ വിവരങ്ങൾ പുറത്തുവരുന്നത്. ട്രെയിനുകളിലും ബസുകളിലും കോളജ് ബാഗുകളുമായി യാത്ര ചെയ്യുന്ന പെൺകുട്ടികളെ പൊലീസ് സാധാരണ രീതിയിൽ സംശയിക്കില്ലെന്ന ആനുകൂല്യം മുതലെടുത്താണ് ഈ പുതിയ നീക്കം. കഴിഞ്ഞദിവസം രാത്രി ട്രെയിനുകളിൽ നടത്തിയ പരിശോധനയിൽ കരുനാഗപ്പള്ളിയിൽ നിന്ന് 8 ഗ്രാം എംഡിഎംഎ പൊലീസ് പിടികൂടിയിരുന്നു. പിടിയിലായവരിൽ നിന്ന് ലഭിച്ച വിവരത്തിന്റെ അടിസ്ഥാനത്തിൽ അതിർത്തികളിൽ പരിശോധന കൂടുതൽ കർശനമാക്കാൻ പൊലീസ് ഒരുങ്ങുകയാണ്.
പൊലീസ് പരിശോധന കർശനമാക്കിയതോടെ ‘കുറച്ചുദിവസം സാധനം കുറവായിരിക്കും’ എന്ന തരത്തിലുള്ള സന്ദേശങ്ങൾ ലഹരിസംഘങ്ങൾ പരസ്പരം കൈമാറുന്നതായും കസ്റ്റഡിയിലായവരുടെ ഫോണുകൾ പരിശോധിച്ചതിൽ നിന്ന് വ്യക്തമായിട്ടുണ്ട്. ഇതോടൊപ്പം ‘സ്പോട്ട് ലൊക്കേഷൻ’ എന്ന മറ്റൊരു വിചിത്രമായ രീതിയും ലഹരിസംഘങ്ങൾ ഇപ്പോൾ പിന്തുടരുന്നുണ്ട്. ട്രെയിനുകളിൽ എത്തുന്ന കാരിയർമാർ പ്രധാന റെയിൽവേ സ്റ്റേഷനുകളിൽ ഇറങ്ങാതെ, സ്റ്റേഷനുകൾക്ക് തൊട്ടുമുമ്പോ ശേഷമോ ഉള്ള വിജനമായ സ്ഥലങ്ങളിൽ ലഹരിമരുന്ന് പാക്കറ്റുകൾ പുറത്തേക്ക് വലിച്ചെറിയും. തുടർന്ന് ഈ സ്ഥലത്തിന്റെ കൃത്യമായ ലൊക്കേഷൻ മൊബൈൽ വഴി നാട്ടിലുള്ള ലഹരിസംഘങ്ങൾക്ക് കൈമാറുകയും, അവർ പിന്നീട് സ്ഥലത്തെത്തി ഇത് ശേഖരിക്കുകയുമാണ് ചെയ്യുന്നത്. ഈ പുതിയ രീതി കണ്ടെത്തിയതോടെ റെയിൽവേ ട്രാക്കുകൾ കേന്ദ്രീകരിച്ചും പൊലീസ് നിരീക്ഷണം ശക്തമാക്കിയിട്ടുണ്ട്.
ബെംഗളൂരു, മംഗലാപുരം തുടങ്ങിയ സ്ഥലങ്ങളിൽ നിന്നുള്ള എംഡിഎംഎ, പാൻ ഉൽപന്നങ്ങൾ എന്നിവയുടെ വരവിൽ കഴിഞ്ഞ ഒരാഴ്ചയായി കാര്യമായ കുറവുണ്ടെന്നാണ് പൊലീസിന്റെ വിലയിരുത്തൽ. കഴിഞ്ഞദിവസം ലഹരിവസ്തുക്കൾ സൂക്ഷിക്കുന്ന പ്രധാന ഗോഡൗണുകളിൽ പൊലീസ് റെയ്ഡ് നടത്തിയിരുന്നെങ്കിലും ഇവയെല്ലാം കാലിയായ നിലയിലായിരുന്നു. ലഹരിവസ്തുക്കൾ മറ്റെവിടെയെങ്കിലും മാറ്റി ശേഖരിച്ചിട്ടുണ്ടോ എന്ന കാര്യത്തിൽ പൊലീസ് അന്വേഷണം പുരോഗമിക്കുകയാണ്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
സന്ദർശിക്കാം.
കൂടുതൽ വാർത്തകൾക്ക് Media7News സന്ദർശിക്കൂ
About The Author
