Nithin Raj Death Case hearing at Kerala High Court
Nithin Raj Death Case അന്വേഷണത്തിലെ നടപടിക്രമങ്ങളും ജാമ്യവുമായി ബന്ധപ്പെട്ട സംഭവവികാസങ്ങളും ഹൈക്കോടതിയുടെ രൂക്ഷ വിമർശനത്തിന് ഇടയാക്കിയിരിക്കുകയാണ്. കേസിൽ അന്വേഷണ ഏജൻസിയുടെ പ്രവർത്തനത്തെക്കുറിച്ചുള്ള കോടതി നിരീക്ഷണങ്ങൾ സംസ്ഥാനത്ത് ശ്രദ്ധ നേടുന്നു.
ഹൈക്കോടതിയുടെ വിമർശനവും അന്വേഷണത്തിലെ ചോദ്യങ്ങളും | Nithin Raj Death Case
#NithinRajDeathCase #KeralaHighCourt #KeralaPolice #HomeMinisterRameshChennithala #KannurAnjarakandi #DrRam #PoliceLapse #LegalNews #KeralaNews #BreakingNews
കണ്ണൂർ അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ മരണത്തിൽ അറസ്റ്റിലായ ഡോ. റാമിന് ജാമ്യം ലഭിച്ചതിലെ വീഴ്ചകളിൽ പോലീസിനെയും സംസ്ഥാന സർക്കാരിനെയും രൂക്ഷമായി വിമർശിച്ച് ഹൈക്കോടതി. പോലീസ് തീരെ അശ്രദ്ധമായി പെരുമാറിയെന്ന് വിമർശിച്ച കോടതി, പ്രതിക്ക് എളുപ്പത്തിൽ പുറത്തിറങ്ങാനും ജാമ്യം ലഭിക്കാനുമുള്ള സാഹചര്യമൊരുക്കുകയായിരുന്നോ എന്നും ചോദിച്ചു.
ഉന്നത പോലീസ് ഉദ്യോഗസ്ഥരും റാമും തമ്മിൽ ഗൂഢാലോചന നടന്നിട്ടുണ്ടോയെന്ന് സംശയിക്കേണ്ടിയിരിക്കുന്നുവെന്ന് കോടതി നിരീക്ഷിച്ചു. “റാം കീഴടങ്ങാൻ പോലീസ് കാത്തിരിക്കുകയായിരുന്നു. പണത്തിന് മീതെ പരുന്തും പറക്കില്ല, പണമുള്ളവർക്ക് എന്തും ചെയ്യാമെന്ന അവസ്ഥയാണോ ഉള്ളത്? സുപ്രീം കോടതിയുടെ മാർഗനിർദേശങ്ങൾ അറിയാത്തവിധമാണോ ഉദ്യോഗസ്ഥർ പ്രവർത്തിക്കുന്നത്?” – ഹൈക്കോടതി ചോദിച്ചു. ഒരു ഡിവൈ.എസ്.പി നേതൃത്വം നൽകിയ അന്വേഷണത്തിൽ ഇത്തരം വീഴ്ചകൾ സംഭവിച്ചത് അംഗീകരിക്കാനാവില്ലെന്നും ആ ജോലി ചെയ്യാൻ അദ്ദേഹത്തിന് അർഹതയില്ലെന്നും കോടതി വ്യക്തമാക്കി. അന്വേഷണസംഘത്തെ മാറ്റി തലയൂരാൻ സർക്കാരിനാവില്ലെന്നും ഇവിടെയുള്ള സംവിധാനങ്ങൾ പൂർണ പരാജയമാണെന്നും കോടതി കൂട്ടിച്ചേർത്തു.
അറസ്റ്റിന്റെ കാരണവും സാഹചര്യവും വ്യക്തമാക്കി പ്രതിയുടെ ബന്ധുക്കൾക്കടക്കം നോട്ടീസ് നൽകണമെന്ന സുപ്രീം കോടതി ഉത്തരവും നടപടിക്രമങ്ങളും പാലിക്കുന്നതിൽ അന്വേഷണസംഘത്തിന് വീഴ്ച പറ്റി. അറസ്റ്റ് വിവരം പബ്ലിക് പ്രോസിക്യൂട്ടറെ അറിയിക്കാൻ വൈകിയതും റാമിന് ജാമ്യം ലഭിക്കാൻ ഇടയാക്കി.
അതേസമയം, കോടതി പരാമർശങ്ങൾ ശ്രദ്ധയിൽപ്പെട്ടിട്ടുണ്ടെന്നും ഉദ്യോഗസ്ഥർക്ക് വീഴ്ച പറ്റിയിട്ടുണ്ടോയെന്ന് പരിശോധിക്കാൻ ഡി.ജി.പിയോട് ആവശ്യപ്പെട്ടിട്ടുണ്ടെന്നും ആഭ്യന്തരമന്ത്രി രമേശ് ചെന്നിത്തല പറഞ്ഞു. കേസിൽ ആദ്യം മുതൽ പോലീസ് ഇരയ്ക്കൊപ്പമാണെന്നും നിതിന്റെ മാതാപിതാക്കളുടെ ആവശ്യപ്രകാരമാണ് നടപടികൾ സ്വീകരിച്ചതെന്നും അദ്ദേഹം വ്യക്തമാക്കി.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala High Court സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
