NEET Re Exam: ജൂൺ 21-ന് പരീക്ഷ നടത്തുമെന്ന് എൻ.ടി..

നീറ്റ് പരീക്ഷാ തീയതി പ്രഖ്യാപിച്ചു; ജൂൺ 21-ന് റീ-എക്സാം നടത്താൻ എൻ.ടി.എ തീരുമാനം.

രാജ്യത്തെ ലക്ഷക്കണക്കിന് മെഡിക്കൽ വിദ്യാർത്ഥികൾ ആകാംക്ഷയോടെ കാത്തിരുന്ന നീറ്റ് യുജി (NEET UG 2026) പരീക്ഷയുടെ പുതിയ തീയതി നാഷണൽ ടെസ്റ്റിംഗ് ഏജൻസി (NTA) ഔദ്യോഗികമായി പ്രഖ്യാപിച്ചു. (NEET Re Exam) ചോദ്യപേപ്പർ ചോർച്ചയുമായി ബന്ധപ്പെട്ട വിവാദങ്ങളെത്തുടർന്ന് മെയ് 3-ന് നടന്ന പരീക്ഷ റദ്ദാക്കിയ സാഹചര്യത്തിലാണ് ജൂൺ 21-ന് പുനഃപരീക്ഷ നടത്താൻ തീരുമാനിച്ചത്. കേന്ദ്ര സർക്കാരിന്റെയും വിദ്യാഭ്യാസ മന്ത്രാലയത്തിന്റെയും പ്രത്യേക നിർദ്ദേശപ്രകാരം പരീക്ഷയുടെ സുതാര്യത ഉറപ്പാക്കിക്കൊണ്ടായിരിക്കും റീ-എക്സാം സംഘടിപ്പിക്കുക. ഇതിനായി വിദ്യാർത്ഥികൾ വീണ്ടും അപേക്ഷ സമർപ്പിക്കുകയോ പ്രത്യേക ഫീസ് അടയ്ക്കുകയോ വേണ്ടതില്ലെന്നും പഴയ രജിസ്‌ട്രേഷൻ വിവരങ്ങൾ തന്നെ നിലനിൽക്കുമെന്നും എൻ.ടി.എ അറിയിച്ചു. പരീക്ഷയ്ക്ക് മുന്നോടിയായി പുതിയ അഡ്മിറ്റ് കാർഡുകൾ ഔദ്യോഗിക വെബ്‌സൈറ്റ് വഴി ലഭ്യമാക്കും. പരീക്ഷാ ക്രമക്കേടുകളെക്കുറിച്ച് സി.ബി.ഐ അന്വേഷണം പുരോഗമിക്കുന്നതിനിടയിലാണ് വിദ്യാർത്ഥികളുടെ ഭാവിയെക്കരുതി എത്രയും വേഗം പുനഃപരീക്ഷ നടത്താനുള്ള നീക്കങ്ങളുമായി അധികൃതർ മുന്നോട്ട് പോകുന്നത്. വിദ്യാർത്ഥികൾക്ക് തയ്യാറെടുപ്പിനായി ഏകദേശം ഒരു മാസത്തോളം സമയം ലഭിക്കുമെന്നത് വലിയ ആശ്വാസമാണ്.”