Police forensic search at Saji house in Nedumkandam
ഇടുക്കി നെടുങ്കണ്ടത്തെ പച്ചടിയിൽ അമ്മയെയും സഹോദരനെയും കൊലപ്പെടുത്തി കുഴിച്ചുമൂടിയ കേസിൽ, പ്രതി സജിയുടെ പിതാവ് മാത്യുവിന്റെ തിരോധാനത്തെക്കുറിച്ചും പോലീസ് അന്വേഷണം ഊർജിതമാക്കി. വെള്ളിയാഴ്ച സജിയുടെ വീടിന് സമീപം മണ്ണുമാന്തി യന്ത്രം ഉപയോഗിച്ച് നടത്തിയ മണിക്കൂറുകൾ നീണ്ട പരിശോധനയിൽ അസ്ഥിക്കഷ്ണവും വസ്ത്രാവശിഷ്ടങ്ങളും കണ്ടെടുത്തു. കൂടുതൽ വിവരങ്ങൾ Media7news.com-ൽ വായിക്കുക. ഔദ്യോഗിക വിവരങ്ങൾക്ക് Kerala Police സന്ദർശിക്കാം.
അമ്മ മേരിക്കുട്ടിയെയും സഹോദരൻ റെജിയെയും കൊന്ന് കുഴിച്ചിട്ടതിന് തൊട്ടടുത്തായാണ് പരിശോധന നടന്നത്. കണ്ടെത്തിയ അസ്ഥി മനുഷ്യന്റേതല്ലെന്നാണ് പ്രാഥമിക നിഗമനമെങ്കിലും കൂടുതൽ വ്യക്തതയ്ക്കായി ശാസ്ത്രീയ പരിശോധനയ്ക്ക് വിധേയമാക്കും. ഇവിടെ മുൻപ് തൊഴുത്തും ചാണകക്കുഴിയും ഉണ്ടായിരുന്നതിനാൽ പശുവിന്റേതെന്ന് കരുതുന്ന തലയോട്ടിയും ലഭിച്ചിട്ടുണ്ട്. പിതാവിനെ കൊലപ്പെടുത്തിയ കാര്യത്തിൽ സജി മൊഴി മാറ്റിക്കൊണ്ടിരിക്കുന്നത് അന്വേഷണസംഘത്തെ കുഴപ്പിക്കുന്നുണ്ട്. [ഇവിടെ കാണുക](https://www.instagram.com/media7onlive/)
2018 മാർച്ചിലാണ് മാത്യുവിനെ കാണാതാകുന്നത്. ഭിന്നശേഷിക്കാരിയായ മകളുടെ ചികിത്സയ്ക്കായി പോകുന്നു എന്ന് പറഞ്ഞാണ് അന്ന് മാത്യു വീട്ടിൽ നിന്നിറങ്ങിയത്. സുവിശേഷ പ്രവർത്തനങ്ങൾക്കായി മാത്യു സ്ഥിരമായി മാറിനിൽക്കാറുള്ളതിനാൽ ആദ്യ ദിവസങ്ങളിൽ ആർക്കും സംശയം തോന്നിയിരുന്നില്ല. അന്ന് സിസിടിവി ദൃശ്യങ്ങൾ ഉൾപ്പെടെ പരിശോധിച്ച് നെടുങ്കണ്ടം പോലീസ് അന്വേഷണം നടത്തിയെങ്കിലും തെളിവുകളില്ലാത്തതിനാൽ കേസ് ക്ലോസ് ചെയ്യുകയായിരുന്നു. എന്നാൽ നിലവിലെ സാഹചര്യത്തിൽ സജി പിതാവിനെയും അപായപ്പെടുത്തിയിരിക്കാം എന്ന സംശയത്തിലാണ് പോലീസ്.
About The Author
