Minnal Magic Brandy: 400 രൂപയ്ക്ക് സർക്കാർ ബ്രാൻഡി...

ബെവ്‌കോയുടെ ‘മിന്നൽ മാജിക്’ ഉടനെത്തും; 400 രൂപയ്ക്ക് സർക്കാർ ബ്രാൻഡി!

സംസ്ഥാന സർക്കാരിന്റെ പുതിയ മദ്യ ബ്രാൻഡായ ‘മിന്നൽ മാജിക്’ ഈ മാസം അവസാനത്തോടെ വിപണിയിലെത്തുന്നു. (Minnal Magic Brandy) ബിവറേജസ് കോർപ്പറേഷൻ (ബെവ്കോ) ഔട്ട്ലെറ്റുകൾ വഴി വിതരണത്തിനെത്തുന്ന ഈ ബ്രാൻഡി, പാലക്കാട്ടെ മലബാർ ഡിസ്റ്റിലറിയിലാണ് ഉൽപാദിപ്പിക്കുന്നത്. സാധാരണക്കാർക്ക് കുറഞ്ഞ നിരക്കിൽ മദ്യം ലഭ്യമാക്കുക എന്ന ലക്ഷ്യത്തോടെയാണ് സർക്കാർ ഈ നീക്കം നടത്തുന്നത്. അര ലിറ്റർ കുപ്പികളിലായാണ് ‘മിന്നൽ മാജിക്’ ലഭിക്കുക; ഇതിന് 400 രൂപയായിരിക്കും വില. പ്രതിദിനം 900 കേസ് മദ്യം ഉൽപാദിപ്പിക്കാനാണ് ഡിസ്റ്റിലറി ലക്ഷ്യമിടുന്നത്. പേരിന്റെ കാര്യത്തിൽ നേരത്തെ പല ചർച്ചകൾ നടന്നിരുന്നെങ്കിലും ഒടുവിൽ ‘മിന്നൽ മാജിക്’ എന്ന് ഉറപ്പിക്കുകയായിരുന്നു. ഈ മാസം അവസാനത്തോടെ മദ്യം ഔട്ട്‌ലെറ്റുകളിൽ എത്തിക്കാനാണ് നീക്കമെങ്കിലും വിതരണം തുടങ്ങുന്ന കൃത്യമായ തീയതി സർക്കാർ ഉടൻ പ്രഖ്യാപിക്കും.