KTU Answer Sheet Theft investigation at evaluation camp
#KTU #KTUExam #AnswerSheetStolen #Thalassery #KeralaTechnicalUniversity #ThalasseryEngineeringCollege #KeralaNews #EducationNews #PoliceInvestigation
കേരള സാങ്കേതിക സർവകലാശാലയുടെ (കെടിയു) മൂല്യനിർണയ ക്യാമ്പിൽ നിന്നും വിദ്യാർത്ഥിയുടെ ഉത്തരകടലാസ് മോഷണം പോയതായി പരാതി. ജൂൺ 11-ന് തലശ്ശേരി കോളേജ് ഓഫ് എഞ്ചിനീയറിംഗിൽ പ്രവർത്തിച്ചിരുന്ന ക്യാമ്പിലാണ് സംഭവം നടന്നത്. കെടിയു രണ്ടാംവർഷ ഇലക്ട്രിക്കൽ എഞ്ചിനീയറിംഗ് വിദ്യാർത്ഥിയുടെ ‘പവർ ഇലക്ട്രോണിക്സ് ഡ്രൈവ്’ എന്ന വിഷയത്തിലെ ഉത്തരകടലാസാണ് കാണാതെപോയത്. മൂല്യനിർണയം നടത്തിക്കൊണ്ടിരുന്ന അധ്യാപികയായ പി. നിഷ നൽകിയ പരാതിയുടെ അടിസ്ഥാനത്തിൽ തലശ്ശേരി പോലീസ് കേസ് രജിസ്റ്റർ ചെയ്ത് ഊർജിതമായ അന്വേഷണം ആരംഭിച്ചിട്ടുണ്ട്.
ഉച്ചഭക്ഷണത്തിനായി അധ്യാപകർ പുറത്തുപോയ ഒന്നരയ്ക്കും 2:15-നും ഇടയിലുള്ള സമയത്താണ് മോഷണം നടന്നതെന്നാണ് നിഗമനം. ഭക്ഷണത്തിന് ശേഷം അധ്യാപകർ തിരികെയെത്തിയപ്പോഴാണ് ഒരു വിദ്യാർത്ഥിയുടെ മാത്രം ഉത്തരക്കടലാസ് നഷ്ടപ്പെട്ടതായി ശ്രദ്ധയിൽപ്പെട്ടത്. യൂണിവേഴ്സിറ്റി ചട്ടപ്രകാരം മൂല്യനിർണയത്തിനായി പ്രത്യേകം അനുവദിച്ച മുറിയിലിരുന്ന് വേണം പരിശോധന നടത്താൻ. എന്നാൽ ചട്ടങ്ങൾ ലംഘിച്ച്, തൊട്ടടുത്തുള്ള മറ്റൊരു മുറിയിലിരുന്നാണ് ഈ ഉത്തരകടലാസ് മൂല്യനിർണയം നടത്തിയിരുന്നതെന്ന വിവരവും ഇപ്പോൾ പുറത്തുവരുന്നുണ്ട്. ക്യാമ്പിലെ സുരക്ഷാ വീഴ്ചയെക്കുറിച്ചും പോലീസ് അന്വേഷിക്കുന്നുണ്ട്.
(KTU Answer Sheet Theft)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Kerala Technical University
സന്ദർശിക്കാം.
കൂടുതൽ വാർത്തകൾക്ക് Media7News സന്ദർശിക്കൂ
About The Author
