Kerala Reform Proposals: പെൻഷൻ .....

പെൻഷൻ പ്രായം കൂട്ടണം, ശമ്പള പരിഷ്കരണം 10 വർഷത്തിലൊരിക്കൽ; വൈദ്യുതി മേഖലയിലടക്കം സ്വകാര്യ നിക്ഷേപത്തിന് ശുപാർശയുമായി ധവളപത്രം!

സംസ്ഥാനത്തെ കടുത്ത സാമ്പത്തിക പ്രതിസന്ധി മറികടക്കാൻ വിപ്ലവകരവും കടുത്തതുമായ നിർദ്ദേശങ്ങൾ മുന്നോട്ടുവെച്ച് സർക്കാർ നിയോഗിച്ച വിദഗ്ധ സമിതിയുടെ ധനകാര്യ ധവളപത്രം (Kerala Reform Proposals). വെറുമൊരു ചെലവ് ചുരുക്കൽ കൊണ്ട് മാത്രം ഖജനാവിലെ പ്രതിസന്ധി പരിഹരിക്കാനാകില്ലെന്നും ശമ്പളം, പെൻഷൻ, വിരമിക്കൽ പ്രായം എന്നിവയിലടക്കം ദൂരവ്യാപകമായ രാഷ്ട്രീയ തീരുമാനങ്ങൾ എടുക്കേണ്ട സമയമാണിതെന്നും കെ. എം. ചന്ദ്രശേഖർ അധ്യക്ഷനായ സമിതി വ്യക്തമാക്കുന്നു. ജീവനക്കാരുടെ പെൻഷൻ പ്രായം കേന്ദ്ര മാതൃകയിൽ ഉയർത്തുക, അഞ്ച് വർഷത്തിലൊരിക്കലുള്ള ശമ്പള പരിഷ്കരണം പത്ത് വർഷത്തിലൊരിക്കലാക്കി മാറ്റുക എന്നിവയാണ് ധവളപത്രത്തിലെ പ്രധാന ശുപാർശകൾ.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Kerala Finance Department
സന്ദർശിക്കാം.

ഉന്നത വിദ്യാഭ്യാസം, ആർട്ടിഫിഷ്യൽ ഇന്റലിജൻസ്, അപൂർവ്വ ധാതുക്കളുടെ വികസനം എന്നിവയ്ക്ക് പുറമെ കടുത്ത നഷ്ടത്തിലുള്ള കെഎസ്ഇബി (KSEB), വാട്ടർ അതോറിറ്റി, കെഎസ്ആർടിസി എന്നിവ സംസ്ഥാനത്തിന് ബാധ്യതയാകുന്ന സാഹചര്യത്തിൽ വൈദ്യുതി മേഖലയിലടക്കം സ്വകാര്യ നിക്ഷേപങ്ങൾ അനുവദിക്കണമെന്നും റിപ്പോർട്ടിലുണ്ട്. സപ്ലൈകോയെയും ബെവ്കോയെയും തമ്മിൽ ലയിപ്പിക്കുക, കെ-ഫോണിൽ സ്വകാര്യ പങ്കാളിത്തം കൊണ്ടുവരിക, ക്ഷേമ പെൻഷൻ വിതരണം കമ്പനിയിൽ നിന്ന് മാറ്റി ട്രഷറി വഴി നേരിട്ടാക്കുക തുടങ്ങിയ നിർദ്ദേശങ്ങളും മുന്നോട്ടുവെക്കുന്നു. സംസ്ഥാനത്തിന്റെ ആകെ കടബാധ്യത 5.07 ലക്ഷം കോടി രൂപയായി ഉയർന്ന സാഹചര്യത്തിൽ, ഭൂപരിഷ്കരണ-തൊഴിൽ നിയമങ്ങളിൽ മാറ്റം വരുത്തിയും വരുമാനം വർദ്ധിപ്പിക്കണമെന്നാണ് ധവളപത്രം ആവശ്യപ്പെടുന്നത്.
ഇവിടെ കാണുക