Kazhakootam Attack Case: ഓട്ടോ തർക്കത്തിന് പിന്നാലെ...

ഓട്ടോയ്ക്ക് വഴി നൽകിയില്ല; കഴക്കൂട്ടത്ത് ഹോട്ടൽ ജീവനക്കാർക്ക് നേരെ ക്രൂരമർദ്ദനം

തിരുവനന്തപുരം കഴക്കൂട്ടത്ത് ഓട്ടോറിക്ഷയ്ക്ക് വഴി നൽകിയില്ലെന്ന നിസ്സാര കാരണത്തിന്റെ പേരിൽ ഹോട്ടൽ ജീവനക്കാർക്ക് നേരെ ക്രൂരമായ ആക്രമണം. (Kazhakootam Attack Case) കഴക്കൂട്ടത്തെ പ്രമുഖ ഹോട്ടലിലെ ജീവനക്കാരായ അഭി (ചാത്തന്നൂർ സ്വദേശി), ദിവ്യ (ചിറയിൻകീഴ് സ്വദേശി) എന്നിവർക്കാണ് മർദ്ദനമേറ്റത്. കോൺഗ്രസ് കഴക്കൂട്ടം ബ്ലോക്ക് ഭാരവാഹിയായ ഷാജിയുടെ നേതൃത്വത്തിലാണ് തങ്ങളെ മർദ്ദിച്ചതെന്ന് കാട്ടി യുവാവും യുവതിയും കഴക്കൂട്ടം പോലീസിൽ പരാതി നൽകി. വഴിയിൽ വെച്ചുണ്ടായ തർക്കത്തെത്തുടർന്ന് ഷാജിയും സംഘവും തങ്ങളെ തടഞ്ഞുനിർത്തി അക്രമിക്കുകയായിരുന്നുവെന്ന് പരിക്കേറ്റവർ പറയുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. രാഷ്ട്രീയ സ്വാധീനമുള്ള വ്യക്തിയാണ് പ്രതിസ്ഥാനത്തെന്നതിനാൽ പോലീസ് നടപടിയിൽ വീഴ്ച വരുത്തരുതെന്ന ആവശ്യവും ശക്തമാണ്.