Karimbu Shashi Story showing savings discovered in a plastic bag after his death
Karimbu Shashi Story ഇടുക്കിയിൽ നിന്നുള്ള ഒരു ഹൃദയസ്പർശിയായ സംഭവമായി മാറിയിരിക്കുകയാണ്. ലളിതമായ ജീവിതം നയിച്ച ഒരാളുടെ സമ്പാദ്യം മരണശേഷം പുറത്തുവന്നത് നാട്ടുകാരെ അമ്പരപ്പിച്ചു.
അവസാന നാളുകൾക്കും ജീവിത സമ്പാദ്യത്തിനും പിന്നിലെ കഥ | Karimbu Shashi Story
#KeralaNews #IdukkiNews #Rajakkad #KarimbuShashi #HumanInterestStory #ViralNewsMalayalam #UnbelievableFact #BreakingNewsMalayalam
പകൽ മുഴുവൻ അലഞ്ഞുതിരിഞ്ഞു നടക്കുകയും രാത്രികളിൽ കടത്തിണ്ണകളിൽ അഭയം പ്രാപിക്കുകയും ചെയ്തിരുന്ന പനച്ചിക്കുഴി പുതശ്ശേരിൽ ശശി (61) എന്ന വൃദ്ധന്റെ മരണത്തിന് പിന്നാലെ നാട്ടുകാരെ ഒന്നടങ്കം ഞെട്ടിക്കുന്ന വിവരങ്ങളാണ് പുറത്തുവരുന്നത്. നാട്ടുകാർക്കും പരിചയക്കാർക്കും ഇടയിൽ ‘കരിമ്പ് ശശി’ എന്നറിയപ്പെട്ടിരുന്ന ഇദ്ദേഹം കഴിഞ്ഞ ദിവസമാണ് അന്തരിച്ചത്. എന്നാൽ മരണശേഷം ഇദ്ദേഹം താമസിച്ചിരുന്ന കടത്തിണ്ണയ്ക്ക് സമീപത്ത് നിന്നും കണ്ടെടുത്ത പ്ലാസ്റ്റിക് സഞ്ചി പരിശോധിച്ചപ്പോഴാണ് ശശി ശരിക്കുമൊരു ലക്ഷപ്രഭുവായിരുന്നു എന്ന കാര്യം പുറംലോകം അറിയുന്നത്. ചായ കുടിക്കാനായി പരിചയക്കാരിൽ നിന്നും മറ്റും ചോദിച്ചുവാങ്ങിയിരുന്ന പൈസയിൽ നിന്നും മിച്ചംപിടിച്ച 1,15,751 രൂപയാണ് ആ പ്ലാസ്റ്റിക് സഞ്ചിയിൽ ഉണ്ടായിരുന്നത്. 500-ന്റെയും 10-ന്റെയും നോട്ടുകളും ഒപ്പം നാണയത്തുട്ടുകളും അടങ്ങുന്നതായിരുന്നു ശശിയുടെ ഈ ആജീവനാന്ത സമ്പാദ്യം.
മാതാപിതാക്കളുടെ മരണശേഷം സ്വന്തം വീട്ടിൽ വല്ലപ്പോഴുമtracker എത്തിയിരുന്ന ശശി, ആരാധനാലയങ്ങളിലും കല്യാണ-മരണ വീടുകളിലുമൊക്കെയായിരുന്നു ഭൂരിഭാഗം സമയവും ചിലവഴിച്ചിരുന്നത്. രാജാക്കാട് പള്ളി മഠത്തിൽ നിന്നായിരുന്നു മിക്ക ദിവസങ്ങളിലും ഭക്ഷണം കഴിച്ചിരുന്നത്. കഴിഞ്ഞ ദിവസം ഇദ്ദേഹത്തിന്റെ മുഖത്ത് അസ്വാഭാവികമായ രീതിയിൽ നീര് കണ്ടതിനെ തുടർന്ന് രാജാക്കാട് പഞ്ചായത്ത് വൈസ് പ്രസിഡന്റ് ബെന്നി പാലക്കാട്ട് ശശിയെ ആശുപത്രിയിൽ എത്തിക്കുകയായിരുന്നു. പരിശോധനയിൽ രണ്ട് വൃക്കകളും തകരാറിലാണെന്ന് കണ്ടെത്തിയതിനെ തുടർന്ന് സഹോദരങ്ങൾ ചേർന്ന് കോട്ടയം മെഡിക്കൽ കോളേജിലും പിന്നീട് തൊടുപുഴ ജില്ലാ ആശുപത്രിയിലേക്കും മാറ്റിയെങ്കിലും വെള്ളിയാഴ്ചയോടെ മരണം സംഭവിക്കുകയായിരുന്നു. ശനിയാഴ്ച രാജാക്കാട് പഞ്ചായത്ത് പൊതുശ്മശാനത്തിൽ സംസ്കാരം നടത്തി. ഇതിനുപിന്നാലെ ശശി സ്ഥിരമായി കിടക്കാറുള്ള ജ്വല്ലറിയുടെ സ്റ്റെയർകേസിന് അടിയിലെ പ്ലാസ്റ്റിക് സഞ്ചി ജ്വല്ലറി ഉടമ കളീക്കൽ തങ്കച്ചൻ പരിശോധിച്ചപ്പോഴാണ് ഈ വൻതുക കണ്ടെത്തിയത്. ഉടൻ തന്നെ വിവരം പഞ്ചായത്ത് പ്രസിഡന്റിനെയും പൊലീസിനെയും അറിയിക്കുകയും, പൊലീസിന്റെ നിർദ്ദേശപ്രകാരം ഈ തുക ബന്ധുക്കൾക്ക് കൈമാറാൻ തീരുമാനിക്കുകയും ചെയ്തു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala Police സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
