IUML Cabinet Talks: അഞ്ചാം മന്ത്രി പദത്തിനായി ലീഗ്...

ലീഗ് മന്ത്രിമാർ ആരൊക്കെ? പി.കെ. കുഞ്ഞാലിക്കുട്ടി ഉറപ്പിച്ചു; അഞ്ചാം മന്ത്രി പദത്തിനായി ചർച്ചകൾ തുടരുന്നു!

വി.ഡി. സതീശന്റെ നേതൃത്വത്തിലുള്ള പുതിയ യുഡിഎഫ് മന്ത്രിസഭയിൽ മുസ്ലിം ലീഗിന്റെ മന്ത്രിമാരെ കുറിച്ചുള്ള സൂചനകൾ പുറത്ത്. (IUML Cabinet Talks) പാർട്ടിയിലെ പ്രമുഖനായ പി.കെ. കുഞ്ഞാലിക്കുട്ടി മന്ത്രിസ്ഥാനം ഉറപ്പിച്ചു കഴിഞ്ഞു. കുഞ്ഞാലിക്കുട്ടിക്കൊപ്പം പി.കെ. ബഷീർ, കെ.എം. ഷാജി, എൻ. ഷംസുദ്ദീൻ എന്നിവരാണ് മന്ത്രിസ്ഥാനത്തേക്കുള്ള സാധ്യതാ പട്ടികയിൽ മുന്നിലുള്ളത്. 22 സീറ്റുകളുമായി മികച്ച വിജയം നേടിയ ലീഗ് ഇത്തവണ അഞ്ചാം മന്ത്രിസ്ഥാനത്തിനായി ശക്തമായ വാദം ഉന്നയിച്ചിട്ടുണ്ട്. എന്നാൽ അഞ്ചാം മന്ത്രിയുടെ കാര്യത്തിൽ കോൺഗ്രസ് നേതൃത്വവുമായി ചർച്ചകൾ തുടരുകയാണ്. വിജയത്തിൽ നിർണ്ണായക പങ്ക് വഹിച്ച ലീഗിന്റെ ആവശ്യങ്ങൾ തള്ളിക്കളയാൻ യുഡിഎഫിന് കഴിയില്ലെന്നിരിക്കെ, വകുപ്പ് വിഭജനത്തിലും മന്ത്രിമാരുടെ എണ്ണത്തിലും വരും ദിവസങ്ങളിൽ അന്തിമ തീരുമാനമുണ്ടാകും.