Google India investment and AI hub announcement
ആഗോള ടെക് ഭീമനായ ഗൂഗിൾ ഇന്ത്യയിൽ കൂടുതൽ നിക്ഷേപത്തിനൊരുങ്ങുന്നു. ക്ലൗഡ്, സ്റ്റാർട്ടപ്പ് സേവനങ്ങൾക്ക് പുറമെ എഐ (നിർമിതബുദ്ധി) അടിസ്ഥാന സൗകര്യങ്ങൾ, സെർവറുകൾ, ഡ്രോണുകൾ എന്നിവയുടെ നിർമ്മാണത്തിലേക്കും ഗൂഗിൾ കടക്കുന്നതായാണ് സൂചന. ഗൂഗിൾ എക്സിക്യൂട്ടീവുകളുമായുള്ള കൂടിക്കാഴ്ചയ്ക്ക് ശേഷം കേന്ദ്ര ഐടി മന്ത്രി അശ്വിനി വൈഷ്ണവ് ആണ് ഇക്കാര്യം വ്യക്തമാക്കിയത്. ഇന്ത്യയെ ഒരു പ്രധാന ഹാർഡ്വെയർ നിർമ്മാണ കേന്ദ്രമായി മാറ്റാനുള്ള സർക്കാരിന്റെ നീക്കങ്ങൾക്ക് കരുത്തുപകരുന്നതാണ് ഈ തീരുമാനം. കൂടുതൽ വിവരങ്ങൾ media7news.com-ൽ വായിക്കുക. ഔദ്യോഗിക വിവരങ്ങൾക്ക് Google India സന്ദർശിക്കാം.
വിശാഖപട്ടണത്ത് ഇന്ത്യയിലെ ആദ്യത്തെ എഐ ഹബ്ബ് സ്ഥാപിക്കുന്നതിനായി 2026-2030 കാലയളവിൽ 15 ബില്യൺ ഡോളർ (ഏകദേശം 1.25 ലക്ഷം കോടി രൂപ) നിക്ഷേപിക്കുമെന്ന് ഗൂഗിൾ നേരത്തെ പ്രഖ്യാപിച്ചിരുന്നു. ഇതിന് പിന്നാലെയാണ് ഹാർഡ്വെയർ നിർമ്മാണ മേഖലയിലേക്കും കൂടി കമ്പനി ശ്രദ്ധ കേന്ദ്രീകരിക്കുന്നത്. നിലവിൽ ക്ലൗഡ് സേവനങ്ങൾക്കും എഐ നൈപുണ്യ വികസനത്തിനും പ്രാധാന്യം നൽകുന്ന ഗൂഗിൾ, പ്രാദേശികമായി സെർവറുകളും ഡ്രോണുകളും നിർമ്മിക്കാൻ തുടങ്ങുന്നതോടെ ഇന്ത്യയിലെ ടെക് ഇക്കോസിസ്റ്റത്തിൽ വലിയ മാറ്റങ്ങളുണ്ടാകുമെന്നാണ് വിലയിരുത്തപ്പെടുന്നത്.
ഇവിടെ കാണുക
About The Author
