Pakistan Iran Aircraft: ഇറാൻ വിമാനങ്ങളെ കുറിച്ചുള്ള...

ഇറാൻ വിമാനങ്ങൾക്ക് അഭയം നൽകിയെന്ന വാർത്ത തള്ളി പാകിസ്താൻ

യുഎസ് ആക്രമണത്തിൽനിന്ന് രക്ഷയേകാൻ ഇറാൻ സേനാവിമാനങ്ങൾക്ക് പാകിസ്താൻ അഭയമൊരുക്കി എന്ന യുഎസ് മാധ്യമമായ സിബിഎസ് ന്യൂസിന്റെ റിപ്പോർട്ട് പാക് വിദേശകാര്യ മന്ത്രാലയം നിഷേധിച്ചു. (Pakistan Iran Aircraft) നിരീക്ഷണ വിമാനങ്ങൾ ഉൾപ്പെടെയുള്ളവ നൂർ ഖാൻ വ്യോമതാവളത്തിലേക്ക് മാറ്റിയെന്ന റിപ്പോർട്ടുകൾ വഴിതെറ്റിക്കുന്നതാണെന്ന് പാകിസ്താൻ വ്യക്തമാക്കി. ഇറാനും യുഎസും തമ്മിലുള്ള ആദ്യ സമാധാന ചർച്ചകൾക്ക് പിന്നാലെയാണ് വിമാനം പാകിസ്താനിൽ എത്തിയതെന്നും, തുടർച്ചർച്ചകൾ പ്രതീക്ഷിച്ചാണ് അവ അവിടെ തുടരുന്നതെന്നും അധികൃതർ അറിയിച്ചു. വിമാനത്തിന്റെ വരവിന് സൈനിക അടിയന്തരാവസ്ഥയുമായി ബന്ധമില്ലെന്നും ഇറാൻ-യുഎസ് സമാധാന നീക്കങ്ങളിൽ നിഷ്പക്ഷമായ മധ്യസ്ഥതയാണ് തങ്ങൾ വഹ Jennings ചെയ്യുന്നുതെന്നും പാകിസ്താൻ കൂട്ടിച്ചേർത്തു. അതേസമയം, യുദ്ധം തുടങ്ങിയതോടെ വ്യോമപാത അടച്ചതിനെത്തുടർന്ന് ഇറാന്റെ സിവിലിയൻ വിമാനം കാബൂളിൽ തുടരുന്നതായി അഫ്ഗാനിസ്ഥാനും അറിയിച്ചിട്ടുണ്ട്.