Jammu Kashmir Encounter after attempted weapon snatching in Doda district
Jammu Kashmir Encounter സംബന്ധിച്ച സംഭവവികാസങ്ങൾ ദോഡ ജില്ലയിൽ സുരക്ഷാ ക്രമീകരണങ്ങൾ കൂടുതൽ ശക്തമാക്കാൻ കാരണമായിരിക്കുകയാണ്. സംഭവത്തെ തുടർന്ന് അന്വേഷണം പുരോഗമിക്കുമ്പോൾ മേഖലയിൽ സുരക്ഷാ സേനയുടെ വിന്യാസവും വർധിപ്പിച്ചിട്ടുണ്ട്.
ദോഡയിലെ സുരക്ഷാ നടപടികൾ ശക്തം | Jammu Kashmir Encounter
#JammuKashmir #DodaDistrict #Bhaderwah #Encounter #JKPolice #SecurityAlert #BreakingNews #KeralaNews
ജമ്മു കാശ്മീരിലെ ദോഡ ജില്ലയിൽ പൊലീസ് ഉദ്യോഗസ്ഥരുടെ സർവീസ് തോക്ക് തട്ടിയെടുക്കാൻ ശ്രമിച്ച യുവാവ് വെടിവെയ്പ്പിൽ കൊല്ലപ്പെട്ടു. ദോഡ ചീകാ ഗ്രാമവാസിയായ ആരിഫ് ഹുസൈൻ (30) ആണ് മരിച്ചത്. ആക്രമണത്തിൽ ജമ്മു കാശ്മീർ പൊലീസിന്റെ സ്പെഷ്യൽ ഓപ്പറേഷൻസ് ഗ്രൂപ്പിലെ (SOG) മൂന്ന് ഉദ്യോഗസ്ഥർക്ക് ഗുരുതരമായി പരിക്കേറ്റു. സംഭവവുമായി ബന്ധപ്പെട്ട് സംശയസ്പദമായ സാഹചര്യത്തിൽ ഒരു മതപ്രഭാഷകനെ പൊലീസ് കസ്റ്റഡിയിലെടുത്തിട്ടുണ്ട്. ഭദർവയിൽ നിന്ന് 35 കിലോമീറ്റർ അകലെയുള്ള ജെയ്-ഗന്ദോ റോഡിൽ ഇന്നലെ രാത്രി 11.30ഓടെ സുരക്ഷാ ഉദ്യോഗസ്ഥർ പതിവ് പരിശോധന നടത്തുന്നതിനിടെയാണ് നാടകീയ സംഭവങ്ങൾ അരങ്ങേറിയത്. ഈ വഴിവന്ന ആരിഫ് ഹുസൈനെ പൊലീസ് തടഞ്ഞുനിർത്തി ചോദ്യം ചെയ്തതോടെ ഇയാൾ ഉദ്യോഗസ്ഥർക്ക് നേരെ തിരിയുകയും തോക്ക് തട്ടിയെടുക്കാൻ ശ്രമിക്കുകയുമായിരുന്നു.
തുടർന്നുണ്ടായ കടുത്ത കൈയാങ്കളിക്കും പ്രകോപനത്തിനുമൊടുവിലാണ് വെടിവെയ്പ്പുണ്ടായത്. വെടിയേറ്റ യുവാവിനെയും പരിക്കേറ്റ സുരക്ഷാ ഉദ്യോഗസ്ഥരെയും ഉടൻ തന്നെ ഭദർവ ആശുപത്രിയിലും, തുടർന്ന് വിദഗ്ദ്ധ ചികിത്സയ്ക്കായി ദോഡ സർക്കാർ മെഡിക്കൽ കോളേജ് ആശുപത്രിയിലും പ്രവേശിപ്പിച്ചെങ്കിലും യുവാവ് മരണത്തിന് കീഴടങ്ങുകയായിരുന്നു. കസ്റ്റഡിയിലെടുത്ത മതപ്രഭാഷകന് സംഭവത്തിലുള്ള കൃത്യമായ പങ്ക് എന്താണെന്ന് സുരക്ഷാ ഏജൻസികൾ വെളിപ്പെടുത്തിയിട്ടില്ല. സംഘർഷാവസ്ഥ കണക്കിലെടുത്ത് മുൻകരുതൽ നടപടിയുടെ ഭാഗമായി ഭദർവ മേഖലയിൽ കൂടുതൽ സി.ആർ.പി.എഫ് (CRPF) ഉദ്യോഗസ്ഥരെ വിന്യസിച്ചിട്ടുണ്ട്. പ്രദേശത്ത് സൈന്യവും പൊലീസും സംയുക്തമായി വ്യാപക തിരച്ചിൽ ആരംഭിച്ചു. തൊണ്ണൂറുകളുടെ തുടക്കത്തിൽ ഭീകരവാദം ശക്തമായിരുന്ന ദോഡ മേഖലയിൽ, രണ്ടായിരത്തിന്റെ അവസാനത്തോടെ സൈന്യം സമാധാനം തിരികെ കൊണ്ടുവന്നിരുന്നെങ്കിലും അടുത്ത കാലത്തായി ഇവിടെ വീണ്ടും അക്രമങ്ങൾ റിപ്പോർട്ട് ചെയ്യപ്പെടുന്നുണ്ട്. മുൻപ് 2024 ജൂലൈയിലുണ്ടായ ഭീകരാക്രമണത്തിൽ നാല് ഇന്ത്യൻ സൈനികർ ഇവിടെ വീരമൃത്യു വരിച്ചിരുന്നു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Jammu & Kashmir Police സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
