Woman police commissioner conducting undercover safety inspection at Hyderabad bus stand during night hours
Women Safety Operation രാത്രിയാത്ര ചെയ്യുന്ന സ്ത്രീകൾ നേരിടുന്ന സുരക്ഷാ പ്രശ്നങ്ങൾ വിലയിരുത്തുന്നതിനായി വേഷംമാറി ബസ് സ്റ്റാൻഡിലെത്തിയ വനിതാ പൊലീസ് കമ്മീഷണറുടെ നടപടി ഹൈദരാബാദിൽ വലിയ ചർച്ചയായി മാറിയിരിക്കുകയാണ്. മൽക്കാജ്ഗിരി പൊലീസ് കമ്മീഷണർ വി. സുമതിയാണ് ദിൽസുഖ് നഗർ ബസ് സ്റ്റാൻഡിൽ സിവിൽ വേഷത്തിൽ പരിശോധന നടത്തിയത്. ഒറ്റയ്ക്ക് നിൽക്കുന്ന സ്ത്രീയെന്ന് കരുതി നിരവധി പുരുഷന്മാർ കമ്മീഷണറെ സമീപിച്ചതായും ചിലർ മോശം പരാമർശങ്ങളും അശ്ലീല ചോദ്യങ്ങളും ഉന്നയിച്ചതായും പൊലീസ് അറിയിച്ചു. വിദ്യാർത്ഥികൾ ഉൾപ്പെടെ മദ്യത്തിനും ലഹരിക്കുമടിമകളായ ചിലരും സ്ത്രീയെ ഭയപ്പെടുത്തുന്ന രീതിയിൽ പെരുമാറിയതായും റിപ്പോർട്ടുണ്ട്. സ്ത്രീകളെ രാത്രി സമയങ്ങളിൽ എത്രത്തോളം അസുരക്ഷിത സാഹചര്യങ്ങൾ നേരിടേണ്ടിവരുന്നുവെന്ന യാഥാർഥ്യം പരിശോധിക്കാനായിരുന്നു പ്രത്യേക പരിശോധന. സ്ഥലത്ത് മഫ്തിയിൽ പൊലീസ് സംഘം വിന്യസിച്ചിരുന്നുവെന്ന കാര്യം അറിയാതെയായിരുന്നു പലരും കമ്മീഷണറോട് മോശമായി പെരുമാറിയത്. Media7news.com-ൽ വായിക്കുക
പരിശോധനയ്ക്കിടെ സ്ത്രീകളെ ശല്യം ചെയ്തവരെയും അശ്ലീല പരാമർശങ്ങൾ നടത്തിയവരെയും പൊലീസ് സംഘം ഉടൻ കസ്റ്റഡിയിലെടുത്തു. Women Safety Operation ഭാഗമായി നടത്തിയ ഈ മിന്നൽ പരിശോധനയിൽ 40-ഓളം പേരെ ചോദ്യം ചെയ്തതായാണ് വിവരം. രാത്രികാലങ്ങളിൽ സ്ത്രീകൾക്ക് സുരക്ഷ ഉറപ്പാക്കുന്നതിനായി നഗരത്തിലെ വിവിധ ബസ് സ്റ്റാൻഡുകളിലും പൊതുസ്ഥലങ്ങളിലും നിരീക്ഷണം ശക്തമാക്കാനാണ് പൊലീസിന്റെ തീരുമാനം. സ്ത്രീസുരക്ഷ സംബന്ധിച്ച ബോധവൽക്കരണ പ്രവർത്തനങ്ങളും കർശന നിയമനടപടികളും ഒരേസമയം നടപ്പാക്കുമെന്ന് അധികൃതർ അറിയിച്ചു. സംഭവത്തിന്റെ വിവരങ്ങൾ പുറത്തുവന്നതോടെ സമൂഹമാധ്യമങ്ങളിൽ വലിയ ചർച്ചകളും പ്രതികരണങ്ങളും ഉയർന്നിട്ടുണ്ട്. സ്ത്രീകളെ മാന്യമായി സമീപിക്കേണ്ടതിന്റെ ആവശ്യകത സമൂഹം ഗൗരവമായി കാണണമെന്ന് വനിതാ സംഘടനകളും ആവശ്യപ്പെട്ടു. കൂടുതൽ വിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കുക ഇവിടെ കാണുക
About The Author
