VD Satheesan Swearing In: കോൺഗ്രസിൽ പ്രതിഷേധ...

വി.ഡി. സതീശൻ തിങ്കളാഴ്ച സത്യപ്രതിജ്ഞ ചെയ്യും; പ്രതിഷേധവുമായി രമേശ് ചെന്നിത്തല ഗുരുവായൂരിലേക്ക്?

കേരളത്തിന്റെ പുതിയ മുഖ്യമന്ത്രിയായി തിരഞ്ഞെടുക്കപ്പെട്ട വി.ഡി. സതീശന്റെ സത്യപ്രതിജ്ഞ തിങ്കളാഴ്ച നടക്കും. (VD Satheesan Swearing In) ഗവർണറുമായി കൂടിക്കാഴ്ച നടത്തിയ ശേഷം ഔദ്യോഗിക സമയം പ്രഖ്യാപിക്കും. എന്നാൽ, ഹൈക്കമാൻഡ് തീരുമാനത്തിൽ കടുത്ത പ്രതിഷേധം രേഖപ്പെടുത്തിയ മുതിർന്ന നേതാവ് രമേശ് ചെന്നിത്തല ഇന്ന് നടക്കുന്ന നിയമസഭാ കക്ഷി (CLP) യോഗത്തിൽ നിന്ന് വിട്ടുനിന്നേക്കുമെന്ന് റിപ്പോർട്ടുകൾ. അദ്ദേഹം ഗുരുവായൂരിലേക്ക് യാത്ര തിരിച്ചതായാണ് സൂചന. തന്നെ തഴഞ്ഞതിൽ പാർട്ടി നേതൃത്വത്തോടുള്ള അതൃപ്തി ചെന്നിത്തല പരസ്യമാക്കിയതിന് പിന്നാലെയാണ് ഈ നീക്കം. പത്ത് ദിവസം നീണ്ട അനിശ്ചിതത്വങ്ങൾക്കൊടുവിൽ മുഖ്യമന്ത്രി പ്രഖ്യാപനം വന്നുവെങ്കിലും കോൺഗ്രസിനുള്ളിലെ ഭിന്നത വരും ദിവസങ്ങളിൽ നേതൃത്വത്തിന് വലിയ വെല്ലുവിളിയാകാൻ സാധ്യതയുണ്ട്.