Sanju Samson Ishan Kishan: ഇഷാനെ കുറിച്ച്....

“സഞ്ജു, നീ ഈ സ്ഥാനം അവന് വിട്ടുകൊടുക്ക്”; ഇഷാൻ കിഷന്റെ തിരിച്ചുവരവിനെക്കുറിച്ച് മനസ്സ് തുറന്ന് സഞ്ജു സാംസൺ!

ഇന്ത്യൻ ക്രിക്കറ്റ് ടീമിലെ, പ്രത്യേകിച്ച് ടി20 ഫോർമാറ്റിലെ കടുത്ത മത്സരത്തെക്കുറിച്ച് തുറന്നുപറഞ്ഞ് മലയാളി താരം സഞ്ജു സാംസൺ. (Sanju Samson Ishan Kishan) രണ്ട് വർഷത്തെ ഇടവേളയ്ക്ക് ശേഷം ഇഷാൻ കിഷൻ ടീമിലേക്ക് തിരിച്ചെത്തിയതിനെക്കുറിച്ചാണ് സഞ്ജുവിന്റെ പ്രതികരണം. താൻ കഠിനാധ്വാനം ചെയ്യുന്നുണ്ടെന്ന് കരുതിയപ്പോൾ തന്നെക്കാൾ കൂടുതൽ ഇഷാൻ പ്രയത്നിക്കുന്നുണ്ടെന്ന് ബോധ്യപ്പെട്ടതായി സഞ്ജു പറഞ്ഞു. തിരുവനന്തപുരത്ത് നടന്ന മത്സരത്തിൽ ഇഷാൻ സെഞ്ച്വറി നേടിയപ്പോൾ, താൻ അർഹിക്കുന്നതിനേക്കാൾ കൂടുതൽ ആ സ്ഥാനം ഇഷാൻ അർഹിക്കുന്നുണ്ടെന്നും അതിനാൽ അത് വിട്ടുകൊടുക്കണമെന്നും തനിക്ക് തോന്നിയതായി സഞ്ജു സിഎസ്‌കെ പോഡ്‌കാസ്റ്റിൽ വ്യക്തമാക്കി. മികച്ച ഫോമിലുള്ള താരങ്ങളെ അഭിനന്ദിക്കാൻ മടിയില്ലെന്നും താരം കൂട്ടിച്ചേർത്തു.