Pulsar Suni Appeal hearing at Kerala High Court
Pulsar Suni Appeal കേസിൽ ഹൈക്കോടതിയുടെ പുതിയ ഉത്തരവ് നടിയെ ആക്രമിച്ച കേസിലെ നിയമനടപടികളിൽ നിർണായക വഴിത്തിരിവായി. ശിക്ഷ മരവിപ്പിക്കണമെന്ന ആവശ്യം കോടതി തള്ളിയതോടെ പ്രധാന അപ്പീലിലേക്കാണ് ഇനി ശ്രദ്ധ കേന്ദ്രീകരിക്കുന്നത്.
ഹൈക്കോടതി ഉത്തരവിലെ നിർണായക തീരുമാനം | Pulsar Suni Appeal
#ActressAttackCase #PulsarSuni #KeralaHigh Court #JusticeForActress #CrimeNews #KeralaNews #HighCourtOrder
കൊച്ചി: പ്രമുഖ നടിയെ ആക്രമിച്ച കേസിൽ വിചാരണ കോടതി വിധിച്ച ശിക്ഷ മരവിപ്പിക്കണമെന്ന ആവശ്യവുമായി മുഖ്യപ്രതി പൾസർ സുനി സമർപ്പിച്ച ഹർജി ഹൈക്കോടതി തള്ളി. കേസിൽ ഒന്നാം പ്രതിയായ പൾസർ സുനിയെ 20 വർഷത്തെ തടവുശിക്ഷയ്ക്കാണ് വിചാരണ കോടതി വിധിച്ചിരുന്നത്. ഈ ശിക്ഷ റദ്ദാക്കണമെന്ന് ആവശ്യപ്പെട്ട് പ്രതി നൽകിയ പ്രധാന അപ്പീൽ നിലവിൽ ഹൈക്കോടതിയുടെ പരിഗണനയിലാണ്. എന്നാൽ, ഈ അപ്പീലിൽ അന്തിമ തീരുമാനം വരുന്നത് വരെ തനിക്ക് ലഭിച്ച ശിക്ഷ താല്ക്കാലികമായി മരവിപ്പിക്കണമെന്ന സുനിയുടെ ആവശ്യത്തിനാണ് ഇപ്പോൾ തിരിച്ചടിയേറ്റിരിക്കുന്നത്. ഹർജിയിൽ പ്രോസിക്യൂഷനും അതിജീവിതയും ഉന്നയിച്ച ശക്തമായ വാദങ്ങൾ മുൻനിർത്തിയാണ് കോടതി ഉത്തരവ്.
പ്രതിക്ക് നൽകിയ ശിക്ഷ മരവിപ്പിച്ചാൽ അത് ഇയാൾ ചെയ്ത ഹീനമായ കുറ്റകൃത്യത്തിന്റെ ഗൗരവം കുറച്ചുകാണുന്നതിന് തുല്യമാകുമെന്ന് പ്രോസിക്യൂഷൻ കോടതിയിൽ ചൂണ്ടിക്കാട്ടി. ഒന്നാം പ്രതി സ്ഥിരം കുറ്റവാളിയാണെന്നും അതിനാൽ യാതൊരു കാരണവശാലും ശിക്ഷ മരവിപ്പിക്കരുതെന്നും സർക്കാർ കോടതിയെ അറിയിച്ചു. നടന്നത് അതിക്രൂരവും ഹീനവുമായ കുറ്റകൃത്യമാണെന്നും ഒന്നാം പ്രതി കുറ്റക്കാരനാണെന്ന് വിചാരണ കോടതി കൃത്യമായി കണ്ടെത്തിയിട്ടുണ്ടെന്നും അതിജീവിതയും കോടതിയെ ബോധിപ്പിച്ചു. ഇരുകൂട്ടരുടെയും വാദങ്ങൾ അർഹിക്കുന്ന ഗൗരവത്തോടെ പരിഗണിച്ച ശേഷമാണ് ഹൈക്കോടതി ഹർജി നിരാകരിച്ചത്.
കേസിൽ കുറ്റക്കാരെന്ന് കണ്ടെത്തിയ പൾസർ സുനി, മാർട്ടിൻ ആന്റണി, ബി. മണികണ്ഠൻ, വി.പി. വിജീഷ്, വടിവാൾ സലിം, പ്രദീപ് എന്നീ ആറു പ്രതികൾക്കും 20 വർഷം തടവും 50,000 രൂപ വീതം പിഴയുമാണ് വിചാരണ കോടതി ശിക്ഷ വിധിച്ചിരുന്നത്. എല്ലാ പ്രതികൾക്കും ഒരേ തടവുശിക്ഷയാണ് ലഭിച്ചതെങ്കിലും മുഖ്യപ്രതിയായ പൾസർ സുനിയാകും കേസിൽ ആദ്യം പുറത്തിറങ്ങുക. വിചാരണക്കാലയളവിൽ ഏഴരവർഷത്തോളം ഇയാൾ ജയിലിൽ കഴിഞ്ഞതിനാൽ, ആ കാലയളവ് കുറച്ച് ബാക്കിയുള്ള 13 വർഷത്തെ തടവുശിക്ഷ മാത്രം സുനി അനുഭവിച്ചാൽ മതിയാകും.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala High Court സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
