Priyadarshini Free Travel scheme for KSRTC passengers
സംസ്ഥാനത്തെ മുഴുവൻ സ്ത്രീകൾക്കും ട്രാൻസ്ജെൻഡർ വ്യക്തികൾക്കും കെ.എസ്.ആർ.ടി.സി. ഓർഡിനറി ബസ്സുകളിൽ സൗജന്യയാത്ര അനുവദിക്കുന്ന ‘പ്രിയദർശിനി’ പദ്ധതി ജൂൺ 15 മുതൽ ആരംഭിക്കുമെന്ന് മുഖ്യമന്ത്രി വി.ഡി. സതീശൻ. ഇന്ന് ചേർന്ന മന്ത്രിസഭായോഗത്തിന് ശേഷം വാർത്താസമ്മേളനത്തിലാണ് മുഖ്യമന്ത്രി ഈ ചരിത്രപ്രഖ്യാപനം നടത്തിയത്. യു.ഡി.എഫിന്റെ തിരഞ്ഞെടുപ്പ് പ്രകടനപത്രികയിലെ പ്രധാന വാഗ്ദാനങ്ങളിലൊന്നായ ‘ഇന്ദിരാ ഗ്യാരണ്ടി’ പദ്ധതിയുടെ ഭാഗമായാണ് ഈ സുപ്രധാന തീരുമാനം. ആദ്യ 100 ദിവസം പരീക്ഷണാടിസ്ഥാനത്തിൽ ഓർഡിനറി ബസ്സുകളിൽ നടപ്പിലാക്കുന്ന പദ്ധതി, അതിന്റെ പ്രവർത്തനം വിലയിരുത്തിയ ശേഷം മറ്റ് ബസ്സുകളിലേക്കും വ്യാപിപ്പിക്കുമെന്നും മുഖ്യമന്ത്രി അറിയിച്ചു. പ്രായമോ വരുമാനമോ മറ്റ് നിബന്ധനകളോ ഇല്ലാതെയാണ് പദ്ധതി നടപ്പിലാക്കുന്നത്.
പദ്ധതി വഴി കെ.എസ്.ആർ.ടി.സി.ക്ക് പ്രതിമാസം 65 മുതൽ 70 കോടി രൂപയുടെയും, പ്രതിവർഷം 800 കോടി രൂപയിലധികം വരുമാനത്തിന്റെയും കുറവുണ്ടാകുമെന്നും ഈ തുക സർക്കാർ കെ.എസ്.ആർ.ടി.സി.ക്ക് പൂർണ്ണമായി നൽകുമെന്നും മുഖ്യമന്ത്രി വ്യക്തമാക്കി. നിലവിൽ ശമ്പളത്തിനും പെൻഷനുമായി നൽകുന്ന 1500 കോടി രൂപയ്ക്ക് പുറമെയായിരിക്കും ഈ തുക അനുവദിക്കുക. പദ്ധതിയുടെ പൂർണ്ണ സാമ്പത്തിക ബാധ്യത സർക്കാർ വഹിക്കുമെന്നും കെ.എസ്.ആർ.ടി.സി. ജീവനക്കാർക്ക് ഇതിൽ യാതൊരുവിധ ആശങ്കയും വേണ്ടെന്നും ഗതാഗതമന്ത്രി സി.പി. ജോണും വ്യക്തമാക്കിയിട്ടുണ്ട്. സ്ത്രീ യാത്രക്കാരുടെ കൃത്യമായ വിവരങ്ങൾ ശേഖരിച്ച് ഓരോ മാസത്തെയും ബാധ്യത കെ.എസ്.ആർ.ടി.സി. സർക്കാരിനെ അറിയിക്കും. വരുമാനം വർദ്ധിപ്പിക്കാനുള്ള മറ്റ് മാർഗ്ഗങ്ങൾ തേടാൻ കെ.എസ്.ആർ.ടി.സി.യോട് സർക്കാർ ആവശ്യപ്പെട്ടിട്ടുണ്ട്. (Priyadarshini Free Travel)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
KSRTC
സന്ദർശിക്കാം.
കൂടുതൽ വാർത്തകൾക്ക് Media7News സന്ദർശിക്കൂ
About The Author
