POCSO Victim Missing investigation by Kerala Police in Aluva Edathala
POCSO Victim Missing സംഭവത്തിൽ ആലുവ എടത്തലയിൽ 16കാരിയെ കാണാതായതോടെ പൊലീസ് അന്വേഷണം ഊർജിതമാക്കി. കേസിലെ പ്രതിയെന്ന് ആരോപിക്കപ്പെടുന്ന യുവാവുമായുള്ള ബന്ധം കേന്ദ്രീകരിച്ചാണ് അന്വേഷണസംഘം ഇപ്പോൾ പരിശോധന നടത്തുന്നത്.
ആലുവയിൽ പോക്സോ കേസ് ഇരയായ പെൺകുട്ടിയെ കാണാതായി | POCSO Victim Missing
പോക്സോ കേസ് ഇരയായ പതിനാറുകാരിയെ കാണാതായി; പ്രതിക്കൊപ്പം പോയെന്ന് സംശയം
കൊച്ചി ആലുവ എടത്തലയിൽ പോക്സോ കേസ് ഇരയായ പതിനാറുകാരിയെ കാണാതായി. വനിതകൾ മാത്രം പഠിക്കുന്ന മതപാഠശാലയിൽ നിന്നാണ് കുട്ടിയെ കാണാതായത്. ഇന്നലെ വൈകുന്നേരം ആറുമുതലാണ് കുട്ടിയെ കാണാതായതെന്നാണ് റിപ്പോർട്ട്. താൻ ഇരയാക്കപ്പെട്ട കേസിലെ പ്രതിയായ പത്തൊമ്പതുകാരനായ കായംകുളം സ്വദേശിയായ യുവാവിനൊപ്പമാണ് പെൺകുട്ടി പോയതെന്ന ശക്തമായ സംശയത്തിലാണ് പൊലീസ് അന്വേഷണം വ്യാപിപ്പിച്ചിരിക്കുന്നത്. കൊല്ലം കരുനാഗപ്പള്ളിയിൽ നിന്ന് കേസിനെത്തുടർന്ന് മൂന്നുമാസം മുമ്പാണ് കുട്ടിയുടെ കുടുംബം എടത്തലയിലേക്ക് മാറിത്താമസിച്ചത്.
അറുപതിലധികം കുട്ടികൾ പഠിക്കുന്ന മതപാഠശാലയിൽ നിന്നിറങ്ങിപ്പോയ കുട്ടിയെ കാണാനില്ലെന്ന് സ്ഥാപന അധികാരികളും കുടുംബവും പൊലീസിൽ പരാതി നൽകുകയായിരുന്നു. സ്ഥാപനത്തിൽ നിന്നിറങ്ങിയ പെൺകുട്ടി എടത്തലയിലെ ഓട്ടോ സ്റ്റാന്റിൽ നിന്ന് ഓട്ടോപിടിച്ച് ആലുവ റെയിൽവേസ്റ്റേഷനിലെത്തുകയും, അവിടെവച്ച് ഓട്ടോ ഡ്രൈവറുടെ മൊബൈൽ വാങ്ങി ഒരാളുമായി ഫോണിൽ സംസാരിക്കുകയും ചെയ്തു. തുടർന്ന് ഓട്ടോ ഡ്രൈവർ നൽകിയ വിവരമനുസരിച്ച് പൊലീസ് നടത്തിയ പരിശോധനയിൽ ഈ നമ്പർ പോക്സോ കേസിലെ പ്രതിയുടേതാണെന്ന് വ്യക്തമാവുകയായിരുന്നു. പെൺകുട്ടി കോഴിക്കോട് ഭാഗത്തേക്കുള്ള ട്രെയിനിലാണ് കയറിയതെന്ന സൂചനകൾ ലഭിച്ചിട്ടുണ്ടെങ്കിലും ഇക്കാര്യത്തിൽ ഔദ്യോഗിക സ്ഥിരീകരണമായിട്ടില്ല. റെയിൽവേ സ്റ്റേഷനിലെയും പരിസരത്തെയും സിസിടിവി ദൃശ്യങ്ങൾ ശേഖരിച്ചും ഫോൺ നമ്പർ കേന്ദ്രീകരിച്ചും പൊലീസ് ഊർജിതമായ അന്വേഷണം നടത്തിവരുന്നുണ്ട്. കുട്ടിയുടെ ഫോട്ടോ മറ്റു പൊലീസ് സ്റ്റേഷനുകൾക്കും റെയിൽവേ പൊലീസിനും കൈമാറിയിട്ടുണ്ട്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala Police സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
