Pinarayi ED protest by CPIM workers
എക്സാലോജിക്-സി.എം.ആർ.എൽ സാമ്പത്തിക ഇടപാടുമായി ബന്ധപ്പെട്ട് മുൻ മുഖ്യമന്ത്രി പിണറായി വിജയന്റെ വസതികളിൽ എൻഫോഴ്സ്മെന്റ് ഡയറക്ടറേറ്റ് നടത്തുന്ന റെയ്ഡിനെതിരെ സി.പി.എം പ്രതിഷേധം ശക്തമാക്കുന്നു (Pinarayi ED Protest). പിണറായി വിജയൻ നിലവിലുള്ള തിരുവനന്തപുരത്തെ വാടക വസതിക്ക് മുന്നിലും കണ്ണൂർ പിണറായിലെ വീടിന് മുന്നിലും പാർട്ടി നേതാക്കളുടെയും പ്രവർത്തകരുടെയും നേതൃത്വത്തിൽ കുത്തിയിരിപ്പ് പ്രതിഷേധം തുടരുകയാണ്. കേന്ദ്ര ഏജൻസികളുടേത് രാഷ്ട്രീയ പകപോക്കലാണെന്ന് ആരോപിച്ചാണ് കനത്ത മഴയെപ്പോലും അവഗണിച്ച് പ്രവർത്തകർ തെരുവിലിറങ്ങിയിരിക്കുന്നത്. റെയ്ഡ് പുരോഗമിക്കുന്ന സാഹചര്യത്തിൽ വരും മണിക്കൂറുകളിൽ സംസ്ഥാനവ്യാപകമായി പ്രതിഷേധം ശക്തമാക്കാനാണ് സി.പി.എം നീക്കം.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Enforcement Directorate
സന്ദർശിക്കാം.
മുൻ മന്ത്രി പി.എ മുഹമ്മദ് റിയാസിന്റെ കോഴിക്കോട്ടെ വസതിയിലും സി.എം.ആർ.എൽ എംഡി ശശിധരൻ കർത്തയുടെ വീട് ഉൾപ്പെടെ കേരളത്തിലും ബെംഗളൂരുവിലുമായി 12 കേന്ദ്രങ്ങളിലാണ് ഇഡി ഒരേസമയം പരിശോധന നടത്തുന്നത്. “വളഞ്ഞിട്ടടിച്ചോളൂ.. സംഘപരിവാറിന് മുമ്പിൽ കുമ്പിടില്ല” എന്ന് മുഹമ്മദ് റിയാസ് ഇതിനോടകം ഫേസ്ബുക്കിലൂടെ പ്രതികരിച്ചിട്ടുണ്ട്. ഇഡി അന്വേഷണവും സമൻസും സ്റ്റേ ചെയ്യണമെന്ന ആവശ്യപ്പെട്ട് നൽകിയ ഹർജി കഴിഞ്ഞ ദിവസം ഹൈക്കോടതി തള്ളിയതിന് തൊട്ടുപിന്നാലെയാണ് കേന്ദ്ര ഏജൻസിയുടെ ഈ നിർണായക നീക്കം. പിണറായി വിജയന്റെ മകൾ വീണയുടെ ഉടമസ്ഥതയിലുള്ള എക്സലോജിക്കിന് സി.എം.ആർ.എൽ കമ്പനി നിയമവിരുദ്ധമായി പണം നൽകിയെന്ന ആരോപണത്തിലാണ് കള്ളപ്പണം വെളുപ്പിക്കൽ നിരോധന നിയമപ്രകാരം ഇഡി റെയ്ഡ് തുടരുന്നത്.
ഇവിടെ കാണുക
About The Author
