Pathanamthitta Complaint Case investigation by Kerala Police
Pathanamthitta Complaint Case അന്വേഷണത്തിൽ ലഭിച്ച പുതിയ വിവരങ്ങളുടെ അടിസ്ഥാനത്തിൽ കേസിൽ നിർണായകമായ മാറ്റങ്ങളാണ് ഉണ്ടായിരിക്കുന്നത്. അന്വേഷണ നടപടികൾ തുടരുന്നതിനിടെ സംഭവത്തിന്റെ പശ്ചാത്തലവും പരാതിയുമായി ബന്ധപ്പെട്ട സാഹചര്യങ്ങളും പോലീസ് പരിശോധിച്ചുവരികയാണ്.
അന്വേഷണത്തിൽ പുതിയ വഴിത്തിരിവ് | Pathanamthitta Complaint Case
#Pathanamthitta #KeralaNews #FakeComplaint #PocsoCaseUpdate #KeralaPolice #CrimeInvestigation #BreakingNews #SchoolNews
പത്തനംതിട്ടയിൽ ഒൻപതാം ക്ലാസ് വിദ്യാർത്ഥിനിയെ സഹപാഠികൾ ചേർന്ന് പീഡിപ്പിച്ചുവെന്ന പരാതി വ്യാജമാണെന്ന് പോലീസ് കണ്ടെത്തി. സഹപാഠിയുമായി പ്രണയത്തിലായിരുന്ന പെൺകുട്ടി രണ്ടാഴ്ച മുൻപ് ബ്രേക്ക് അപ്പ് ആയതിന്റെ ദേഷ്യത്തിലും വൈരാഗ്യത്തിലുമാണ് ഇത്തരമൊരു കഥ കെട്ടിച്ചമച്ചതെന്നാണ് പോലീസിന്റെ വിലയിരുത്തൽ. വൈദ്യപരിശോധനയിൽ പെൺകുട്ടി ലൈംഗിക ചൂഷണത്തിന് ഇരയായിട്ടില്ലെന്ന് വ്യക്തമായതോടെ, കസ്റ്റഡിയിലുണ്ടായിരുന്ന പ്രായപൂർത്തിയാകാത്ത നാല് കുട്ടികൾ ഉൾപ്പെടെ ആറുപേരെയും ഇന്നലെ വൈകിട്ടോടെ പോലീസ് പൂർണ്ണമായി വിട്ടയച്ചു. സ്കൂളിൽ നടത്തിയ കൗൺസിലിംഗിനിടെ പത്തുപേർക്കെതിരെയായിരുന്നു പെൺകുട്ടി പീഡനപരാതി ഉന്നയിച്ചിരുന്നത്.
സഹപാഠിയായ പെൺകുട്ടിയുടെ വീട്ടിലും സ്കൂളിലും വെച്ച് ലൈംഗികാതിക്രമം നടന്നുവെന്നായിരുന്നു കുട്ടിയുടെ ആദ്യ മൊഴി. ചൈൽഡ് ഹെൽപ് ലൈൻ വഴി ലഭിച്ച ഈ വിവരത്തിന്റെ അടിസ്ഥാനത്തിൽ പോലീസ് രണ്ട് പോക്സോ കേസുകൾ രജിസ്റ്റർ ചെയ്യുകയും ആറുപേരെ കസ്റ്റഡിയിലെടുക്കുകയും ചെയ്തിരുന്നു. എന്നാൽ വിശദമായ ചോദ്യം ചെയ്യലിൽ പെൺകുട്ടിയുടെ മൊഴികളിൽ കടുത്ത വൈരുദ്ധ്യം പ്രകടമായതോടെയാണ് പോലീസിന് സംശയം തോന്നിയത്. തുടർന്ന് നടത്തിയ വിശദമായ അന്വേഷണത്തിലാണ് പ്രണയനൈരാശ്യത്തെത്തുടർന്നുള്ള പ്രതികാര ബുദ്ധിയാണ് വ്യാജപരാതിക്ക് പിന്നിലെന്ന് ബോധ്യപ്പെട്ടത്. കുട്ടി വ്യാജപരാതി നൽകാനുണ്ടായ സാഹചര്യം ഉൾപ്പെടെയുള്ള കാര്യങ്ങൾ കൂടുതൽ അന്വേഷിക്കാനാണ് പോലീസിന്റെ തീരുമാനം.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala Police സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
