Operation Thoofan anti-drug coordination meeting involving Kerala and South Indian states
Operation Thoofan ലഹരിക്കടത്തിനെതിരായ ഏകോപിത നടപടികൾ ശക്തിപ്പെടുത്തുന്നതിനുള്ള പുതിയ നീക്കങ്ങൾക്ക് തുടക്കമിടുകയാണ് കേരളം. ദക്ഷിണേന്ത്യൻ സംസ്ഥാനങ്ങളുമായുള്ള സംയുക്ത സഹകരണത്തിലൂടെ മയക്കുമരുന്ന് ശൃംഖലകൾ തകർക്കുകയാണ് പദ്ധതിയുടെ ലക്ഷ്യം.
ദക്ഷിണേന്ത്യൻ സംയുക്ത ലഹരിവേട്ട ശക്തമാകുന്നു | Operation Thoofan
#OperationThoofan #AntiDrugDrive #RameshChennithala #KeralaPolice #DrugFreeKerala #SouthIndianStates #DANSAF #BreakingNews
കേരളത്തിലേക്കുള്ള മയക്കുമരുന്ന് വരവ് പൂർണ്ണമായി ഇല്ലാതാക്കുന്നതിനായി ലഹരിവേട്ടയ്ക്ക് സ്ഥിരം സംവിധാനമായി പ്രത്യേക ദൗത്യസംഘം രൂപീകരിക്കുമെന്ന് ആഭ്യന്തരമന്ത്രി രമേശ് ചെന്നിത്തല അറിയിച്ചു. ദക്ഷിണേന്ത്യൻ സംസ്ഥാനങ്ങളിലെ ഉയർന്ന പോലീസ് ഉദ്യോഗസ്ഥരുമായി നടത്തിയ യോഗത്തിന് ശേഷമാണ് അദ്ദേഹം ഇക്കാര്യം വ്യക്തമാക്കിയത്. കര, കടൽ, വ്യോമ മാർഗ്ഗങ്ങളിലൂടെയുള്ള ലഹരിയുടെ ഒഴുക്ക് തടഞ്ഞ് കേരളത്തെ പൂർണ്ണമായും ലഹരിമുക്ത സംസ്ഥാനമാക്കുകയാണ് ലക്ഷ്യം. ദക്ഷിണേന്ത്യയിലെ അഞ്ച് സംസ്ഥാനങ്ങളിലെ പോലീസും കേന്ദ്ര ഏജൻസികളും കൈകോർക്കുന്ന ‘ഓപ്പറേഷൻ തൂഫാന്റെ’ അടുത്ത ഘട്ടത്തിന് അയൽസംസ്ഥാനങ്ങൾ പൂർണ്ണ പിന്തുണ പ്രഖ്യാപിച്ചിട്ടുണ്ട്. ഇതിനായി കർണാടക, തമിഴ്നാട്, പുതുച്ചേരി, ആന്ധ്ര, തെലങ്കാന സംസ്ഥാനങ്ങൾ പ്രത്യേക നോഡൽ ഓഫീസർമാരെ നിയമിക്കും. വിവരങ്ങൾ പരസ്പരം കൈമാറാനും സംയുക്ത യോഗങ്ങൾ കൃത്യമായി ചേരാനും യോഗത്തിൽ തീരുമാനമായി.
ഓൺലൈൻ, കൊറിയർ, ഹോം ഡെലിവറി സംവിധാനങ്ങൾ വഴിയും, ട്രെയിനുകളിൽ ചെറിയ സ്റ്റേഷനുകളിൽ ഉപേക്ഷിച്ചു പോകുന്നതുമായ ലഹരിക്കടത്തിന്റെ പുതിയ രീതികൾ പോലീസ് കണ്ടെത്തിയിട്ടുണ്ട്. ക്യാൻസർ രോഗത്തിനുള്ള മരുന്നുകൾ വരെ ലഹരിക്കായി ഉപയോഗിക്കുന്ന പശ്ചാത്തലത്തിൽ, ഇത് തടയാൻ ആരോഗ്യവകുപ്പുമായി ചേർന്ന് സംയുക്ത ഓപ്പറേഷൻ നടത്തും. നാർക്കോട്ടിക് ഡിവൈ.എസ്.പിമാരുടെ നേതൃത്വത്തിൽ ലഹരിവിരുദ്ധ ഡാൻസാഫ് (DANSAF) സംഘങ്ങളെ കൂടുതൽ ആൾബലവും വാഹനങ്ങളും നൽകി ശക്തമാക്കും. യോഗത്തിൽ തമിഴ്നാട് ഡി.ജി.പി മഹേഷ് കുമാർ അഗർവാൾ, കർണാടക എ.ഡി.ജി.പി ആർ. ഹിതേന്ദ്ര, കേരള ഡി.ജി.പി റവാഡ ചന്ദ്രശേഖർ എന്നിവരുൾപ്പെടെ ദക്ഷിണേന്ത്യൻ സംസ്ഥാനങ്ങളിലെയും വിവിധ കേന്ദ്ര ഏജൻസികളിലെയും ഉന്നത ഉദ്യോഗസ്ഥർ പങ്കെടുത്തു. ലഹരിവിരുദ്ധ നീക്കങ്ങളുടെ ഭാഗമായി ഈ മാസം 15-ന് കർണാടക ആഭ്യന്തരമന്ത്രി തലസ്ഥാനത്തെത്തുമെന്നും മറ്റ് സംസ്ഥാനങ്ങളിലെ മുഖ്യമന്ത്രിമാരെ നേരിൽ കാണുമെന്നും മന്ത്രി അറിയിച്ചു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Narcotics Control Bureau (NCB) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
