NEET UG Cancelled: ചോദ്യപ്പേപ്പർ ചോർച്ച സ്ഥിരീകരിച്ചു..

നീറ്റ് യു.ജി. പരീക്ഷ റദ്ദാക്കി; ചോദ്യപ്പേപ്പർ ചോർന്നതായി സ്ഥിരീകരണം, പുനഃപരീക്ഷ ഉടൻ!

ദേശീയ മെഡിക്കൽ പ്രവേശന പരീക്ഷയായ നീറ്റ് യു.ജി. (NEET UG) റദ്ദാക്കി. ചോദ്യപ്പേപ്പർ ചോർന്നുവെന്ന ഗുരുതരമായ ആരോപണങ്ങൾ ശരിയാണെന്ന് കണ്ടെത്തിയതിനെത്തുടർന്നാണ് നടപടി. മേയ് മൂന്നിന് നടന്ന പരീക്ഷയുടെ ചോദ്യങ്ങൾ രാജസ്ഥാനിലെ സികാറിലെ പരിശീലന കേന്ദ്രങ്ങളിൽ നേരത്തെ പ്രചരിച്ചതായി അന്വേഷണ സംഘം കണ്ടെത്തിയിരുന്നു. ഏകദേശം 30,000-ത്തോളം ചോദ്യാവലികൾ ലക്ഷങ്ങൾ വാങ്ങിയാണ് വിറ്റഴിച്ചത്. സംഭവവുമായി ബന്ധപ്പെട്ട് 13 പേരെ രാജസ്ഥാൻ പോലീസ് കസ്റ്റഡിയിലെടുത്തു. അന്വേഷണം കേരളത്തിലേക്കും വ്യാപിപ്പിച്ചിട്ടുണ്ട്. സി.ബി.ഐയും കേസ് അന്വേഷിക്കും. പുതിയ ഹാൾടിക്കറ്റുകൾ നൽകി പരീക്ഷ വീണ്ടും നടത്തുമെന്നും, വിദ്യാർത്ഥികൾ വീണ്ടും ഫീസ് അടയ്ക്കേണ്ടതില്ലെന്നും അധികൃതർ വ്യക്തമാക്കി. പുനഃപരീക്ഷയുടെ തീയതി പിന്നീട് അറിയിക്കും.