NEET paper leak: ചോദ്യപേപ്പർ ചോർച്ചയിൽ സിബിഐ...

നീറ്റ് പരീക്ഷാ തട്ടിപ്പ്: അന്വേഷണം സിബിഐക്ക്; അച്ചടി പ്രസ്സിൽ നിന്നടക്കം ചോർച്ചയുണ്ടായോ എന്ന് പരിശോധിക്കും!

മേയ് മൂന്നിന് നടന്ന നീറ്റ് യുജി പരീക്ഷയുടെ ചോദ്യപേപ്പർ ചോർച്ചയുമായി ബന്ധപ്പെട്ട കേസ് കേന്ദ്ര സർക്കാർ സിബിഐക്ക് കൈമാറി. (NEET paper leak) പരീക്ഷാ അട്ടിമറിയിൽ സംഘടിത ക്രമക്കേടുകൾ നടന്നിട്ടുണ്ടോ എന്നും കൈയ്യെഴുത്ത് ‘ഗസ് പേപ്പർ’ എങ്ങനെ പ്രചരിച്ചു എന്നും സിബിഐ പരിശോധിക്കും. പരീക്ഷയ്ക്ക് ഒരു മാസം മുൻപേ പ്രചരിച്ച 410 ചോദ്യങ്ങളടങ്ങിയ പേപ്പറിലെ 120 കെമിസ്ട്രി ചോദ്യങ്ങൾ പരീക്ഷയിൽ അതേപടി വന്നതായി രാജസ്ഥാൻ പോലീസ് കണ്ടെത്തിയിരുന്നു. അന്വേഷണത്തിന്റെ ഭാഗമായി എൻടിഎ എല്ലാ രേഖകളും സിബിഐക്ക് കൈമാറും. അതേസമയം, പുനഃപരീക്ഷയ്ക്കുള്ള നടപടികൾ ആരംഭിച്ച എൻടിഎ, വിദ്യാർത്ഥികൾ പുതിയ രജിസ്‌ട്രേഷനോ ഫീസോ നൽകേണ്ടതില്ലെന്നും അറിയിച്ചു. റദ്ദാക്കിയ പരീക്ഷയുടെ ഫീസ് വിദ്യാർത്ഥികൾക്ക് തിരികെ നൽകാനും തീരുമാനമായിട്ടുണ്ട്.