Medical College Patient Transfer to Pulayanarkotta Hospital in Kerala
Medical College Patient Transfer നടപടിയുടെ ഭാഗമായി ആശുപത്രികളിലെ കിടക്ക സൗകര്യങ്ങൾ കൂടുതൽ ഫലപ്രദമായി വിനിയോഗിക്കാൻ ആരോഗ്യവകുപ്പ് പുതിയ ക്രമീകരണങ്ങൾ നടപ്പാക്കുന്നു. രോഗികൾക്ക് മെച്ചപ്പെട്ട ചികിത്സാ സൗകര്യം ഉറപ്പാക്കുക എന്ന ലക്ഷ്യത്തോടെയാണ് തീരുമാനം.
ആശുപത്രി സേവനങ്ങൾ ശക്തിപ്പെടുത്തുന്ന നടപടി | Medical College Patient Transfer
#MedicalCollege #PulayanarkottaHospital #KMuralidharan #HealthDepartment #KeralaNews #HospitalUpdate #HealthcareKerala #BreakingNews
മെഡിക്കൽ കോളേജ് ആശുപത്രിയിൽ രോഗികളെ തറയിൽ കിടത്തി ചികിത്സിക്കുന്നത് ഒഴിവാക്കാൻ നിർണ്ണായക നീക്കവുമായി ആരോഗ്യവകുപ്പ്. തിരക്ക് കൂടുതലുള്ള ജനറൽ മെഡിസിൻ വിഭാഗത്തിൽ നിന്നുള്ളവർ ഉൾപ്പെടെയുള്ള രോഗികളെ പുലയനാർകോട്ടയിലെ നെഞ്ചുരോഗ ആശുപത്രിയിലേക്ക് മാറ്റുമെന്ന് മന്ത്രി കെ. മുരളീധരൻ അറിയിച്ചു. മന്ത്രിയുടെ അധ്യക്ഷതയിൽ ചേർന്ന ആരോഗ്യ വകുപ്പിലെയും മെഡിക്കൽ വിദ്യാഭ്യാസ വകുപ്പിലെയും ഉന്നത ഉദ്യോഗസ്ഥരുടെയും ജില്ലയിലെ വിവിധ ആശുപത്രി മേധാവികളുടെയും സംയുക്ത യോഗത്തിലാണ് ഈ സുപ്രധാന തീരുമാനം കൈക്കൊണ്ടത്. അഞ്ഞൂറോളം കിടക്കകളുള്ള പുലയനാർകോട്ട ആശുപത്രിയിൽ പകർച്ചപ്പനി ബാധിതർക്ക് ഉൾപ്പെടെ ആവശ്യമായ കിടത്തിച്ചികിത്സ ഇനിമുതൽ ഉറപ്പാക്കാനാകും.
മഴക്കാലത്ത് പകർച്ചപ്പനി കേസുകൾ വർദ്ധിക്കുമ്പോൾ രോഗികളെ നിലത്ത് കിടത്തുന്നത് പതിവുകാഴ്ചയായിരുന്നു. എന്നാൽ, രോഗികളെ ഒരു കാരണവശാലും തറയിൽ കിടത്തരുത് എന്ന ആരോഗ്യവകുപ്പിന്റെ പൊതുനയത്തിന്റെ ഭാഗമായാണ് പുതിയ ക്രമീകരണം ഏർപ്പെടുത്തുന്നത്. ഇതിനൊപ്പം ജനറൽ ആശുപത്രിയിൽ അടിയന്തരമായി കാന്റീൻ സജ്ജമാക്കാൻ ആശുപത്രി അധികൃതർക്ക് മന്ത്രി നിർദ്ദേശം നൽകി. ഇഴഞ്ഞുനീങ്ങുന്ന മാസ്റ്റർപ്ലാൻ പ്രവൃത്തികൾ വേഗത്തിലാക്കാൻ പരിചയസമ്പന്നരായ പുതിയ ഏജൻസിയെ എസ്പിവിയായി (SPV) നിയമിക്കാനും യോഗത്തിൽ തീരുമാനമായിട്ടുണ്ട്. വിവിധ വിഭാഗങ്ങളുടെ പ്രവർത്തനം 24 മണിക്കൂറും കാര്യക്ഷമമാക്കിക്കൊണ്ട് ജനറൽ ആശുപത്രിയെ ശക്തിപ്പെടുത്താനും, അതുവഴി മെഡിക്കൽ കോളേജിലെ തിരക്ക് പൂർണ്ണമായും ഒഴിവാക്കാനുമുള്ള കർശന നടപടികളിലേക്കാണ് സർക്കാർ കടക്കുന്നത്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് ആരോഗ്യ വകുപ്പ്, കേരളം സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
