Lulu Fashion Week launch event at Kochi Lulu Mall
ആഗോള ഫാഷൻ ട്രെൻഡുകളും ലോകോത്തര ബ്രാൻഡുകളുടെ പുത്തൻ കാഴ്ചകളുമായി കൊച്ചി വീണ്ടും റൺവേയാകുന്നു. ലുലു ഫാഷൻ വീക്കിന്റെ പത്താമത് എഡിഷന് മെയ് 21-ന് കൊച്ചി ലുലു മാളിൽ പ്രൗഢഗംഭീരമായ തുടക്കമാകും. നാല് ദിവസം നീണ്ടുനിൽക്കുന്ന ഈ വമ്പൻ ഫാഷൻ മാമാങ്കത്തിന്റെ ഗ്രാൻഡ് ലോഞ്ച് പ്രശസ്ത നടിയും മോഡലുമായ ദീപ്തി സതി നിർവഹിച്ചു. ‘ബ്ലാക്ക് ബെറി’ അവതരിപ്പിക്കുന്ന ഇത്തവണത്തെ ഫാഷൻ വീക്കിൽ ‘അമുകൃതി’, ‘കില്ലർ എക്സ്’ എന്നിവരാണ് പവേർഡ് ബൈ പാർട്ണർമാരായി അണിനിരക്കുന്നത്. മെയ് 24 വരെ നീണ്ടുനിൽക്കുന്ന ഫാഷൻ മേളയിൽ വസ്ത്രവൈവിധ്യങ്ങളുടെ വലിയൊരു നിരതന്നെയാണ് ഫാഷൻ പ്രേമികളെ കാത്തിരിക്കുന്നത്. (Lulu Fashion Week)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Lulu Mall
സന്ദർശിക്കാം.
ദേശീയ-അന്തർദേശീയ ബ്രാൻഡുകൾ അണിനിരക്കുന്ന റൺവേ ഷോകളിൽ പ്രശസ്തരായ ഫാഷൻ ഡിസൈനർമാരും മോഡലുകളും മാറ്റുരയ്ക്കും എന്നതാണ് ഇത്തവണത്തെ പ്രധാന ആകർഷണം. ബംഗളൂരുവിലെ പ്രശസ്ത ഷോ ഡയറക്ടറായ ഫഹീം രാജയാണ് ലുലു ഫാഷൻ വീക്കിന്റെ ഷോ ഡയറക്ടറാകുന്നത്. ഇരുപതിലധികം അന്താരാഷ്ട്ര മോഡലുകൾക്കൊപ്പം രാജ്യത്തെ മുൻനിര സെലിബ്രിറ്റികൾ, സിനിമ-മിനിസ്ക്രീൻ താരങ്ങൾ, സോഷ്യൽ മീഡിയ ഇൻഫ്ലുവൻസേഴ്സ് തുടങ്ങിയവർ വിവിധ ദിവസങ്ങളിൽ ഷോ സ്റ്റോപ്പർമാരായി റൺവേയിലെത്തും. ലോകോത്തര ബ്രാൻഡുകളുടെ ഏറ്റവും പുതിയ ‘സ്പ്രിങ് സമ്മർ കളക്ഷനുകൾ’ പരിചയപ്പെടുത്തുന്ന നിരവധി ഷോകളാണ് ഈ ദിവസങ്ങളിൽ അരങ്ങേറുന്നത്.
ഇവിടെ കാണുക
ഫാഷൻ, എന്റർടൈൻമെന്റ്, റീറ്റെയ്ൽ മേഖലകളിലെ പ്രമുഖർ ഈ പരിപാടിയുടെ ഭാഗമാകും. മേളയോടനുബന്ധിച്ച് ഫാഷൻ രംഗത്തെ മികച്ച സംഭാവനകളെ മുൻനിർത്തിയുള്ള ഫാഷൻ ടൈറ്റിലുകളും, മികച്ച വസ്ത്ര ബ്രാൻഡുകൾക്കുള്ള എക്സ്ക്ലൂസീവ് ഫാഷൻ അവാർഡുകളും സമ്മാനിക്കും. പ്രൗഢഗംഭീരമായ പുരസ്കാര ദാനത്തോടെ മെയ് 24-ന് ലുലു ഫാഷൻ വീക്കിന് സമാപനമാകും.
#LuluFashionWeek #LuluMall #KochiFashion #LuluFashionWeek2026 #DeeptiSati #KochiNews #FashionTrends #SpringSummerCollection #RunwayShow #KeralaFashion #FashionAwards
About The Author
