Police intensify probe in loan app fraud case linked to Nithin Raj death and missing Vishnu
Loan app fraud case അന്വേഷണത്തിൽ പോലീസ് നടപടി ശക്തമാക്കി. കണ്ണൂർ അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ ആത്മഹത്യയുമായി ബന്ധപ്പെട്ട് അറസ്റ്റിലായ മൂന്ന് പ്രതികളെ വിശദമായി ചോദ്യം ചെയ്യാനാണ് തീരുമാനം. പ്രതികളെ കസ്റ്റഡിയിൽ ലഭിക്കാനായി ഇന്ന് കോടതിയിൽ പോലീസ് അപേക്ഷ സമർപ്പിക്കും. ലോൺ ആപ്പ് ഭീഷണിക്ക് പിന്നാലെ കാണാതായ വടകര സ്വദേശി വിഷ്ണുവിനായുള്ള അന്വേഷണവും തുടരുകയാണ്. വിഷ്ണുവിനെ കണ്ടെത്താൻ ബെംഗളൂരു, മംഗലാപുരം എന്നിവിടങ്ങൾ കേന്ദ്രീകരിച്ച് പ്രത്യേക സംഘം പരിശോധന നടത്തുന്നു. സിസിടിവി ദൃശ്യങ്ങൾ ഉൾപ്പെടെയുള്ള തെളിവുകൾ ശേഖരിച്ചുവരികയാണ്. ഒരു ലക്ഷം രൂപയോളം കടബാധ്യതയുണ്ടായിരുന്ന വിഷ്ണുവിന്റെ മോർഫ് ചെയ്ത ചിത്രങ്ങൾ ബന്ധുക്കൾക്ക് അയച്ച് സംഘം ഭീഷണിപ്പെടുത്തിയതായും കുടുംബം പരാതിപ്പെട്ടിട്ടുണ്ട്.
Loan app fraud case കൂടുതൽ ഗുരുതരമായതോടെ കോളേജ് അധികൃതർക്കെതിരെയും ആരോപണം ശക്തമായി. നിതിന്റെ മരണത്തിൽ പ്രിൻസിപ്പലിന്റെ ചേമ്പറിൽ വെച്ച് കൂട്ടവിചാരണ നടന്നുവെന്നാണ് കുടുംബത്തിന്റെ ആരോപണം. ലോൺ ആപ്പ് ഭീഷണിയാണ് മരണകാരണമെന്ന് കോളേജ് അധികൃതർ ആവർത്തിച്ചെങ്കിലും മാനസിക പീഡനവും പരിശോധിക്കണമെന്നാണ് ബന്ധുക്കളുടെ ആവശ്യം. സംഭവത്തിൽ ഒളിവിലുള്ള ഡോക്ടർ എം.കെ. റാം, സംഗീത നമ്പ്യാർ എന്നിവരെ പിടികൂടാത്തതിൽ പോലീസും കോളേജ് അധികൃതരും ഒത്തുകളിക്കുകയാണെന്നും കുടുംബം ആരോപിച്ചു. ലോൺ ആപ്പ് മാഫിയയുടെ വേരുകൾ കണ്ടെത്തുന്നതിനൊപ്പം കോളേജിനുള്ളിലെ ആഭ്യന്തര പ്രശ്നങ്ങളും പോലീസ് പരിശോധിക്കുന്നു. Media7news.com-ൽ വായിക്കുക കൂടുതൽ വിവരങ്ങൾക്ക് Official Site സന്ദർശിക്കാം. ഇവിടെ കാണുക
About The Author
