Kerala Power Crisis press meet by V D Satheesan
Kerala Power Crisis സംബന്ധിച്ച സർക്കാർ വിശദീകരണം വാർത്താസമ്മേളനത്തിൽ അവതരിപ്പിച്ചു. സംസ്ഥാനത്തെ വൈദ്യുതി ആവശ്യകതയും വിതരണവുമായി ബന്ധപ്പെട്ട സാഹചര്യങ്ങളാണ് മുഖ്യമന്ത്രിയുടെ പ്രതികരണത്തിൽ പ്രധാനമായും പരാമർശിച്ചത്.
വൈദ്യുതി വിതരണവും സർക്കാർ വിശദീകരണവും | Kerala Power Crisis
#VDSatheesan #KeralaPowerCrisis #KeralaCM #PowerCutKerala #KSEB #PinarayiVijayan #KeralaNews #KeralaPolitics #BreakingNews
സംസ്ഥാനത്ത് അടിക്കടിയുണ്ടാകുന്ന പവർകട്ടിൽ പ്രതികരണവുമായി മുഖ്യമന്ത്രി വി.ഡി. സതീശൻ. വൈദ്യുതി പ്രതിസന്ധിയിൽ സർക്കാരിനെതിരെ തെറ്റായ പ്രചാരണമാണ് നടക്കുന്നതെന്നും ചരിത്രത്തിലെ ഏറ്റവും വലിയ വൈദ്യുതി ആവശ്യകതയാണ് നിലവിലുള്ളതെന്നും മുഖ്യമന്ത്രി വാർത്താസമ്മേളനത്തിൽ വ്യക്തമാക്കി. ഉപഭോഗത്തിൽ കഴിഞ്ഞ വർഷത്തേക്കാൾ 1000 മെഗാവാട്ട് വർദ്ധനവുണ്ടായി. എൽ നിനോ പ്രതിഭാസത്തെത്തുടർന്ന് സംസ്ഥാനത്ത് മഴ കുറഞ്ഞതും ഡാമുകളിൽ വെള്ളം കുറഞ്ഞതും ദേശീയ വിപണിയിൽ ആവശ്യത്തിന് വൈദ്യുതി ലഭ്യമല്ലാത്തതുമാണ് നിലവിലെ പ്രതിസന്ധിക്ക് കാരണമെന്ന് മുഖ്യമന്ത്രി ചൂണ്ടിക്കാട്ടി.
മുൻ ഉമ്മൻ ചാണ്ടി സർക്കാരിന്റെ കാലത്തെ ദീർഘകാല വൈദ്യുതി കരാർ റദ്ദാക്കിയ മുൻ എൽ.ഡി.എഫ് സർക്കാരിന്റെ നടപടിയെ മുഖ്യമന്ത്രി രൂക്ഷമായി വിമർശിച്ചു. കുറഞ്ഞ വിലയ്ക്ക് വൈദ്യുതി ലഭിക്കുന്ന കരാർ റദ്ദാക്കിയ ശേഷമാണ് മുൻ സർക്കാർ അദാനിയിൽ നിന്ന് കൂടിയ വിലയ്ക്ക് വൈദ്യുതി വാങ്ങിയത്. ഈ കരാർ റദ്ദാക്കിയതും ഉപഭോഗം കൂടിയതുമാണ് നിലവിലെ പ്രതിസന്ധിക്ക് ആധാരം. ഈ കരാർ റദ്ദാക്കിയത് എന്തിനാണെന്ന് അന്നത്തെ മുഖ്യമന്ത്രിയും ഇന്നത്തെ പ്രതിപക്ഷ നേതാവുമായ പിണറായി വിജയൻ ഇതുവരെ വ്യക്തമാക്കിയിട്ടില്ലെന്നും അദ്ദേഹം ആരോപിച്ചു.
മറ്റ് സംസ്ഥാനങ്ങളെപ്പോലെ കേരളവും ഓപ്പൺ മാർക്കറ്റിൽ നിന്ന് വൈദ്യുതി വാങ്ങുന്നുണ്ടെന്നും 200 മെഗാവാട്ട് വാങ്ങിയതായും മറ്റൊന്നിന് കൂടി ശ്രമിക്കുന്നുണ്ടെന്നും മുഖ്യമന്ത്രി പറഞ്ഞു. ഉയർന്ന വിലയ്ക്കല്ല വൈദ്യുതി വാങ്ങിയതെന്നും പുര കത്തുമ്പോൾ വാഴ വെട്ടുന്ന സമീപനമല്ല സർക്കാർ സ്വീകരിച്ചതെന്നും അദ്ദേഹം കൂട്ടിച്ചേർത്തു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Kerala State Electricity Board (KSEB) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
