Kerala BJP Fund Allegations involving party financial irregularity reports
Kerala BJP Fund Allegations സംബന്ധിച്ച റിപ്പോർട്ടുകൾ സംസ്ഥാന രാഷ്ട്രീയത്തിൽ പുതിയ ചർച്ചകൾക്ക് വഴിവെച്ചിരിക്കുകയാണ്. സാമ്പത്തിക ക്രമക്കേട് ആരോപണങ്ങളുമായി ബന്ധപ്പെട്ട വിഷയങ്ങളിൽ പാർട്ടി നേതൃത്വം നടപടികൾ ആരംഭിച്ചതായാണ് പുറത്തുവരുന്ന വിവരങ്ങൾ.
സാമ്പത്തിക ക്രമക്കേട് ആരോപണങ്ങളിൽ നടപടി | Kerala BJP Fund Allegations
#BJP #KeralaBJP #RajeevChandrasekhar #FundScam #KeralaPolitics #PoliticalNews #BJPFinancialFraud #KeralaNews
നിയമസഭാ തിരഞ്ഞെടുപ്പ് ഫണ്ടുമായി ബന്ധപ്പെട്ട് കേരള ബിജെപിയിൽ (BJP) കോടികളുടെ ഗുരുതരമായ സാമ്പത്തിക ക്രമക്കേട് നടന്നതായി റിപ്പോർട്ട്. പാർട്ടിയിലെ പ്രധാന ഭാരവാഹികൾ ഉൾപ്പെട്ട അഴിമതി ആരോപണങ്ങളിൽ കേന്ദ്ര നേതൃത്വത്തിന്റെ കർശന നിർദ്ദേശപ്രകാരം സംസ്ഥാന അധ്യക്ഷൻ രാജീവ് ചന്ദ്രശേഖർ നടപടികൾ ആരംഭിച്ചു. തിരഞ്ഞെടുപ്പ് പ്രചാരണത്തിനായി ഒരു കോടി കൊടികൾ നിർമ്മിക്കാനുള്ള മൂന്നരക്കോടി രൂപയുടെ കരാറിലാണ് പ്രധാനമായും വെട്ടിപ്പ് നടന്നത്. കേന്ദ്രത്തിൽ നിന്നുള്ള കൊടികൾ വരാൻ വൈകിയ സാഹചര്യം മുതലെടുത്ത് പാർട്ടിയിലെ ചില നേതാക്കൾ ഒരു തട്ടിക്കൂട്ട് കമ്പനിയുണ്ടാക്കി കരാർ നൽകുകയായിരുന്നു. ഈ ഇടപാടിലൂടെ ഒരു സംസ്ഥാന സെക്രട്ടറിയും യുവമോർച്ച നേതാവും ചേർന്ന് 54 ലക്ഷം രൂപ കമ്മീഷൻ തട്ടിയതായി പാർട്ടി ട്രഷറർക്ക് വിവരം ലഭിച്ചിട്ടുണ്ട്. ഇതിന് പുറമെ പ്രചാരണത്തിനായി വാടകയ്ക്കെടുത്ത ഹെലികോപ്റ്ററുകളുടെയും കാറുകളുടെയും കണക്കുകളിലും സോഷ്യൽ മീഡിയ പരസ്യങ്ങളുടെ പേരിലും ലക്ഷങ്ങളുടെ വ്യാജ തിരുമറികൾ നടത്തി തുക തട്ടിയെടുത്തതായും പാർട്ടിക്കുള്ളിൽ പരാതി ഉയർന്നിട്ടുണ്ട്.
വലിയ സാമ്പത്തിക ആരോപണങ്ങൾ നേരിടുന്ന സംസ്ഥാന സെക്രട്ടറി, മേഖല സെക്രട്ടറി, സംസ്ഥാന കമ്മിറ്റി അംഗം എന്നിവരെ നിലവിലെ സ്ഥാനങ്ങളിൽ നിന്ന് മാറ്റിനിർത്താനാണ് പാർട്ടി നേതൃത്വത്തിന്റെ തീരുമാനം. വരാനിരിക്കുന്ന പുനസംഘടനയിൽ ഇവർക്ക് യാതൊരുവിധ ഭാരവാഹിത്വവും നൽകില്ലെന്ന് സംസ്ഥാന അധ്യക്ഷൻ കോർ കമ്മിറ്റി അംഗങ്ങളെ നേരിട്ട് അറിയിച്ചിട്ടുണ്ട്. കൂടാതെ സഹകരണസംഘത്തിൽ നിന്ന് വായ്പയെടുത്ത് തിരിച്ചടയ്ക്കാത്ത മറ്റൊരു സംസ്ഥാന സെക്രട്ടറിക്കും സ്ഥാനം നഷ്ടമായേക്കും. അച്ചടക്ക നടപടികൾ പാർട്ടിയുടെ ആഭ്യന്തര കാര്യമാണെന്നും അത് പൊതുസമൂഹത്തെയോ മാധ്യമങ്ങളെയോ ബാധിക്കുന്ന ഒന്നല്ലെന്നുമാണ് സംസ്ഥാന അധ്യക്ഷൻ രാജീവ് ചന്ദ്രശേഖറിന്റെ നിലപാടെങ്കിലും, പാർട്ടിക്കുള്ളിലെ ഗ്രൂപ്പ് പോര് അവസാനിപ്പിക്കാൻ ശ്രമിക്കുന്ന നേതൃത്വത്തിന് ഈ അഴിമതി വിവാദം വലിയ വെല്ലുവിളിയാണ് ഉയർത്തുന്നത്.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Bharatiya Janata Party (BJP) സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
