Karnataka HIV Testing and HIV awareness programme for college students
Karnataka HIV Testing പദ്ധതിയിലൂടെ കോളേജ് വിദ്യാർത്ഥികൾക്കിടയിൽ എച്ച്.ഐ.വി പരിശോധനയും ബോധവൽക്കരണവും ശക്തമാക്കാനാണ് കർണാടക സർക്കാർ നീക്കം. സ്വകാര്യത ഉറപ്പാക്കുന്നതിനൊപ്പം കൗൺസിലിംഗും ആരോഗ്യ ക്യാമ്പുകളും ഉൾപ്പെടുന്ന സംവിധാനമാണ് ലക്ഷ്യമിടുന്നത്.
കോളേജ് വിദ്യാർത്ഥികൾക്കായുള്ള എച്ച്.ഐ.വി പരിശോധനയ്ക്ക് കർണാടകയിൽ നീക്കം | Karnataka HIV Testing
ബെംഗളൂരു: കർണാടകയിലെ എല്ലാ എൻജിനീയറിംഗ്, ആർട്സ്, സയൻസ് കോളേജുകളിലും വിദ്യാർത്ഥികൾക്കായി എച്ച്.ഐ.വി പരിശോധനയും കൗൺസിലിംഗും സംഘടിപ്പിക്കാൻ കർണാടക സർക്കാർ തീരുമാനം. കോളേജുകൾ കേന്ദ്രീകരിച്ച് എച്ച്.ഐ.വി ടെസ്റ്റ് നടത്തുന്നതിനായുള്ള നടപടികൾ അധികാരികൾ ആരംഭിച്ചു. കർണാടക സ്റ്റേറ്റ് എയ്ഡ്സ് പ്രിവൻഷൻ സൊസൈറ്റിയുടെ അഭ്യർത്ഥനയെ തുടർന്ന് വിശ്വേശ്വരയ്യ ടെക്നോളജിക്കൽ യൂണിവേഴ്സിറ്റിയും കോളേജിയറ്റ് എഡ്യൂക്കേഷൻ ഡിപ്പാർട്ട്മെന്റും ആണ് ഇതിനായുള്ള പ്രവർത്തനങ്ങൾക്ക് നേതൃത്വം നൽകുന്നത്. പരിശോധനയിൽ കുട്ടികളുടെ സ്വകാര്യത പൂർണ്ണമായി ഉറപ്പാക്കുമെന്ന് ആരോഗ്യ വകുപ്പ് അറിയിച്ചിട്ടുണ്ട്. ഇതിനായി ‘Know Your HIV Status’ എന്ന പേരിൽ ക്യു.ആർ. അധിഷ്ഠിത ആപ്പ് തയ്യാറാക്കുമെന്നും അധികൃതർ വ്യക്തമാക്കി.
എല്ലാ ഉന്നത വിദ്യാഭ്യാസ സ്ഥാപനങ്ങളിലും എച്ച്.ഐ.വി ബോധവൽക്കരണം നടത്തണമെന്ന് യൂണിവേഴ്സിറ്റി ഗ്രാന്റ്സ് കമ്മീഷനും (യു.ജി.സി) കേന്ദ്ര വിദ്യാഭ്യാസ മന്ത്രാലയവും നേരത്തെ നിർദ്ദേശം നൽകിയിരുന്നു. ഇതിന്റെ ഭാഗമായി പ്രത്യേക ഹെൽത്ത് ക്യാമ്പുകളിലൂടെയാവും കോളേജുകളിൽ പരിശോധനയും കൗൺസിലിംഗും നടത്തുക. പദ്ധതിയുമായി സഹകരിക്കാൻ എല്ലാ കോളേജ് പ്രിൻസിപ്പൽമാർക്കും ആരോഗ്യവകുപ്പ് കർശന നിർദ്ദേശം നൽകിയിട്ടുണ്ട്. വിദ്യാർത്ഥികൾക്കിടയിൽ രോഗബാധ ആശങ്കാജനകമാംവിധം ഏറുന്ന സാഹചര്യത്തിലാണ് ഈ നിർണായക നീക്കം. രാജ്യത്ത് എച്ച്.ഐ.വി ബാധിതരുടെ എണ്ണത്തിൽ കർണാടകം മൂന്നാമതാണെന്ന് നാഷണൽ എയ്ഡ്സ് കൺട്രോൾ ഓർഗനൈസേഷന്റെ (നാക്കോ) കണക്കുകൾ വ്യക്തമാക്കുന്നു.
നാക്കോയുടെ കണക്കുപ്രകാരം കർണാടകയിൽ ആകെ 2.6 ലക്ഷം എച്ച്.ഐ.വി ബാധിതരാണുള്ളത്. ഇതിൽ 54,000-ത്തോളം പേർ തങ്ങൾക്ക് രോഗബാധയുണ്ടെന്ന കാര്യം പോലും അറിയാത്തവരാണ്. 18നും 25നും ഇടയിൽ പ്രായമുള്ള 7,000 രോഗബാധിതർ സംസ്ഥാനത്തുണ്ട്. 18നും 35നും ഇടയിൽ പ്രായമുള്ളവരിൽ രോഗവ്യാപനം അതിവേഗം കൂടുന്നുണ്ടെന്നാണ് കണക്കുകൾ പറയുന്നത്. 2023-24 കാലഘട്ടത്തിൽ ഈ വിഭാഗത്തിൽ എച്ച്.ഐ.വി കണ്ടെത്തിയത് 44,500 പേർക്കാണെങ്കിൽ, 2025-26 ആയപ്പോൾ അത് 66,000 ആയി ഉയർന്നു. സുരക്ഷിതമല്ലാത്ത ലൈംഗിക ബന്ധത്തിനൊപ്പം ലഹരി ഉപയോഗവും എച്ച്.ഐ.വി രോഗബാധ കൂടുന്നതിന് പ്രധാന കാരണമാണെന്നാണ് കണ്ടെത്തൽ. രോഗം നേരത്തെ കണ്ടെത്തിയാൽ സമൂഹത്തിലെ വ്യാപനവും രോഗം ഗുരുതരമാകുന്നതും ഫലപ്രദമായി തടയാനാകുമെന്നാണ് ആരോഗ്യവകുപ്പിന്റെ വിലയിരുത്തൽ.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Karnataka HIV Testing – National AIDS Control Organisation സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
