Kannur Bus Fire accident near Valakkai
“കണ്ണൂർ ശ്രീകണ്ഠാപുരം വളക്കൈയിൽ യാത്രക്കാരുമായി പോവുകയായിരുന്ന സ്വകാര്യ ബസിന് തീപിടിച്ചു. (Kannur Bus Fire) ഇന്ന് ഉച്ചയ്ക്ക് 12.50-ഓടെ ശ്രീകണ്ഠാപുരത്ത് നിന്ന് തളിപ്പറമ്പിലേക്ക് വരികയായിരുന്ന ‘തേലക്കാടൻസ്’ എന്ന ബസിനാണ് അപകടം സംഭവിച്ചത്. ബസ് വളക്കൈയിൽ എത്തിയപ്പോൾ ബോണറ്റിൽ നിന്ന് പുക ഉയരുന്നത് ശ്രദ്ധയിൽപ്പെട്ട ഡ്രൈവർ ഉടൻ തന്നെ ബസ് റോഡരികിൽ നിർത്തി യാത്രക്കാരോട് പുറത്തിറങ്ങാൻ ആവശ്യപ്പെടുകയായിരുന്നു. യാത്രക്കാർ വേഗത്തിൽ പുറത്തിറങ്ങിയതിന് പിന്നാലെ ബസിനുള്ളിൽ തീ ആളിപ്പടർന്നു. ഡ്രൈവറുടെ മനസ്സാന്നിധ്യവും സമയോചിതമായ ഇടപെടലും മൂലം ബസിലുണ്ടായിരുന്ന മുപ്പതോളം യാത്രക്കാർ പരിക്കേൽക്കാതെ അത്ഭുതകരമായി രക്ഷപ്പെട്ടു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Kerala Fire and Rescue Services
സന്ദർശിക്കാം.
വിവരമറിഞ്ഞ് തളിപ്പറമ്പിൽ നിന്ന് അഗ്നിശമന സേനാംഗങ്ങൾ എത്തുമ്പോഴേക്കും ബസ് പൂർണ്ണമായും കത്തിനശിച്ചിരുന്നു. ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് ഫയർഫോഴ്സിന്റെ പ്രാഥമിക നിഗമനം. സംഭവത്തെത്തുടർന്ന് തളിപ്പറമ്പ്-ശ്രീകണ്ഠാപുരം സംസ്ഥാന പാതയിൽ അല്പസമയം ഗതാഗതം തടസ്സപ്പെട്ടു. നിമിഷങ്ങൾക്കുള്ളിൽ തീ ആളിപ്പടർന്നത് നാട്ടുകാരെയും യാത്രക്കാരെയും ഒരുപോലെ പരിഭ്രാന്തിയിലാഴ്ത്തി.”
ഇവിടെ കാണുക
About The Author
