Kalamassery Accident Case: ലോറിയിടിച്ച് ആറു...

കളമശ്ശേരിയിൽ ലോറിയും സ്കൂട്ടറും കൂട്ടിയിടിച്ച് അപകടം; മുത്തച്ഛനും മുത്തശ്ശിക്കുമൊപ്പം സഞ്ചരിച്ച ആറുവയസുകാരന് ദാരുണാന്ത്യം

കൊച്ചി കളമശ്ശേരിയിൽ ലോറിയും സ്കൂട്ടറും കൂട്ടിയിടിച്ച് ആറ് വയസുകാരൻ മരിച്ചു. (Kalamassery Accident Case) മുത്തച്ഛനും മുത്തശ്ശിക്കുമൊപ്പം സ്കൂട്ടറിൽ സഞ്ചരിക്കവെയാണ് അപകടമുണ്ടായത്. എതിരെ വന്ന ലോറി സ്കൂട്ടറിൽ ഇടിക്കുകയായിരുന്നു എന്നാണ് പ്രാഥമിക വിവരം. അപകടത്തിൽ കുട്ടിയുടെ മുത്തച്ഛനും മുത്തശ്ശിക്കും പരിക്കേറ്റു. ഇവരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. സംഭവസ്ഥലത്തു വച്ചുതന്നെ കുട്ടിയുടെ മരണം സംഭവിച്ചിരുന്നു. കളമശ്ശേരി പോലീസ് സ്ഥലത്തെത്തി മേൽനടപടികൾ സ്വീകരിച്ചു. ലോറി ഡ്രൈവർക്കെതിരെ കേസെടുക്കുമെന്ന് പോലീസ് അറിയിച്ചു. ജനത്തിരക്കേറിയ റോഡിലുണ്ടായ ഈ അപകടം പ്രദേശവാസികളെയും യാത്രക്കാരെയും ഒരുപോലെ നടുക്കിയിരിക്കുകയാണ്.