K Sudhakaran Poll Row
കണ്ണൂർ: നിയമസഭാ തെരഞ്ഞെടുപ്പിന്റെ വോട്ടെടുപ്പിനിടെ കണ്ണൂരിൽ ചട്ടങ്ങൾ ലംഘിച്ചതായി ആരോപിച്ച് കെ.പി.സി.സി അധ്യക്ഷൻ കെ. സുധാകരനെതിരെ പരാതി. വോട്ട് ചെയ്യാനായി ബൂത്തിനുള്ളിൽ പ്രവേശിച്ചപ്പോൾ സുധാകരൻ ചട്ടങ്ങൾ കാറ്റിൽപ്പറത്തി അനുയായിയെ കൂടെക്കൂട്ടിയെന്നാണ് പ്രധാന ആരോപണം. സുധാകരനൊപ്പം ബൂത്തിനുള്ളിൽ കടന്ന ജയന്ത് ദിനേശിനെതിരെയും യുവമോർച്ച ഉപാധ്യക്ഷൻ കെ. ഷിജിൽ പരാതി നൽകിയിട്ടുണ്ട്. ബൂത്തിനകത്ത് മൊബൈൽ ഫോൺ ഉപയോഗിക്കാൻ പാടില്ലെന്ന കർശന നിർദ്ദേശം നിലനിൽക്കെ, സുധാകരൻ വോട്ട് ചെയ്യുന്നതിന്റെ ദൃശ്യങ്ങൾ പകർത്തിയതായും പരാതിയിൽ ചൂണ്ടിക്കാട്ടുന്നു. വോട്ടിങ്ങിന്റെ രഹസ്യസ്വഭാവം നഷ്ടപ്പെടുത്തുന്ന രീതിയിൽ ദൃശ്യങ്ങൾ പകർത്തിയെന്ന ആരോപണം ഗൗരവകരമാണ്. ദൃശ്യങ്ങൾ സഹിതമുള്ള തെളിവുകളാണ് യുവമോർച്ച നേതാവ് തെരഞ്ഞെടുപ്പ് കമ്മീഷന് കൈമാറിയിരിക്കുന്നത്. സംഭവത്തിൽ കർശന നടപടി വേണമെന്നാണ് പരാതിക്കാരുടെ ആവശ്യം.
About The Author
