IPS Trainee Case involving Hyderabad National Police Academy investigation
IPS Trainee Case ദേശീയ ശ്രദ്ധ നേടിയ സംഭവത്തിൽ പരാതിയും ആത്മഹത്യാക്കുറിപ്പും ഉൾപ്പെടെയുള്ള തെളിവുകൾ പരിശോധിച്ച് പൊലീസ് അന്വേഷണം പുരോഗമിക്കുകയാണ്. സംഭവവുമായി ബന്ധപ്പെട്ട പരസ്പരവിരുദ്ധ ആരോപണങ്ങളാണ് അന്വേഷണത്തിന്റെ പ്രധാന കേന്ദ്രബിന്ദു.
പരസ്പരവിരുദ്ധ ആരോപണങ്ങളിൽ അന്വേഷണം | IPS Trainee Case
#IPSTrainee #HyderabadNews #NationalPoliceAcademy #UdayKrishnaReddy #PoliceInvestigation #BreakingNews #KeralaNews
സഹപ്രവർത്തക നൽകിയ പരാതിയിൽ മനംനൊന്ത് ഹൈദരാബാദിലെ സർദാർ വല്ലഭ്ഭായ് പട്ടേൽ നാഷണൽ പോലീസ് അക്കാഡമിയിലെ ഐപിഎസ് ട്രെയിനി ആത്മഹത്യക്ക് ശ്രമിച്ചു. ഉദയ് കൃഷ്ണ റെഡ്ഡിയാണ് സുഹൃത്തിന്റെ വീട്ടിൽ വെച്ച് വിഷം കഴിച്ച് ജീവനൊടുക്കാൻ ശ്രമിച്ചത്. താനുമായി പ്രണയത്തിലായിരുന്ന ഉദയ് കൃഷ്ണ, തന്റെ വിവാഹശേഷവും ആ ബന്ധം തുടരാൻ നിർബന്ധിച്ചു എന്ന് കാണിച്ച് മുപ്പതുകാരിയായ സഹപ്രവർത്തക പരാതി നൽകിയതിന് പിന്നാലെയായിരുന്നു ആത്മഹത്യാശ്രമം. എന്നാൽ വിഷം കഴിക്കുന്നതിന് മുമ്പ് എഴുതിയ രണ്ടുപേജുള്ള ആത്മഹത്യാക്കുറിപ്പിൽ യുവതിയുടെ ആരോപണങ്ങളെല്ലാം ഉദയ് കൃഷ്ണ നിഷേധിച്ചു. വിവാഹശേഷവും യുവതി തന്നെ നിരന്തരം ശല്യം ചെയ്തിരുന്നുവെന്നും, മുറിയിലേക്ക് ബലംപ്രയോഗിച്ച് കടന്നുവന്ന് കെട്ടിപ്പിടിച്ച് ചുംബിച്ചുവെന്നും, ഇതിന്റെ ചാറ്റ് തെളിവുകൾ യുവതിയുടെ ഭർത്താവിന് അയച്ചുകൊടുത്തിട്ടുണ്ടെന്നും ആത്മഹത്യാക്കുറിപ്പിൽ പറയുന്നു.
അതേസമയം, ഉദയ് കൃഷ്ണയുടെ ആരോപണങ്ങളെല്ലാം തെറ്റാണെന്നാണ് യുവതിയുടെ വാദം. ഉദയ് കൃഷ്ണ തന്നെ നിരന്തരം പിന്തുടരുകയും മർദ്ദിക്കുകയും ചെയ്തെന്നും സമ്മതമില്ലാതെ സ്വകാര്യ വീഡിയോകൾ പകർത്തി വാട്സാപ്പിലൂടെ ലൈംഗികച്ചുവയുള്ള സന്ദേശങ്ങൾ അയച്ചെന്നും യുവതി പരാതിയിൽ ആരോപിക്കുന്നു. കൂടാതെ ഫോൺ ബലമായി തട്ടിയെടുത്ത് പരിശോധിക്കുകയും കഴുത്തുഞെരിച്ച് കൊല്ലാൻ ശ്രമിക്കുകയും ചെയ്തെന്നും ആരോപണമുണ്ട്. പരസ്പരവിരുദ്ധമായ ആരോപണങ്ങൾ ഉയർന്ന പശ്ചാത്തലത്തിൽ പൊലീസ് അന്വേഷണം ഊർജ്ജിതമാക്കിയിട്ടുണ്ട്. ആശുപത്രിയിൽ ചികിത്സയിൽ കഴിയുന്ന ഉദയ് കൃഷ്ണയുടെ മൊഴി പൊലീസ് രേഖപ്പെടുത്തിയിട്ടുണ്ട്. തെളിവുകളുടെ അടിസ്ഥാനത്തിൽ തുടർന്നടപടികൾ സ്വീകരിക്കുമെന്ന് പൊലീസ് അറിയിച്ചു.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Sardar Vallabhbhai Patel National Police Academy സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
