Insurance Murder Case investigation in Telangana
#TelanganaCrime #MurderCase #InsuranceScam #CrimeNews #TelanganaPolice #ExtramaritalAffair #MurderMystery #NationalNews #ShockingNews
ഇൻഷുറൻസ് തുക തട്ടിയെടുക്കാനും ഒന്നിച്ച് ജീവിക്കാനുമായി ഭർത്താവിനെ ക്രൂരമായി കൊലപ്പെടുത്തി റോഡപകടമെന്ന് വരുത്തിത്തീർക്കാൻ ശ്രമിച്ച കേസിൽ ഭാര്യയും കാമുകനും അറസ്റ്റിൽ. തെലങ്കാനയിലെ കാമറെഡ്ഡി ജില്ലയിൽ മേയ് 22-നാണ് ദാരുണമായ കൊലപാതകം നടന്നത്. മാർക്കൽ ഗ്രാമവാസിയായ കാഞ്ചർല രേണുക, കാമുകൻ കാഞ്ചർല ഗംഗാശേഖർ (37) എന്നിവരെയാണ് പൊലീസ് അറസ്റ്റ് ചെയ്തത്. രേണുകയുടെ ഭർത്താവായ കാഞ്ചർല രാജയ്യ (45) ആണ് കൊല്ലപ്പെട്ടത്. രാത്രി കൃഷിയിടത്തിലേക്ക് പോകുന്നതിനിടെ വഴിയിൽ വെച്ച് ഏതെങ്കിലുമോ ഒരു മൃഗം ബൈക്കിൽ തട്ടി വാഹനാപകടത്തിൽപ്പെട്ട് ഭർത്താവ് മരിച്ചുവെന്നായിരുന്നു രേണുക ആദ്യം പൊലീസിൽ നൽകിയ പരാതി. എന്നാൽ യുവതിയുടെ മൊഴിയിൽ സംശയം തോന്നിയ പൊലീസ് പ്രത്യേക സംഘം രൂപീകരിച്ച് വിശദമായ അന്വേഷണം ആരംഭിക്കുകയായിരുന്നു.
പോസ്റ്റ്മോർട്ടം റിപ്പോർട്ടിൽ രാജയ്യയുടെ ശരീരത്തിലെ പരിക്കുകൾ റോഡപകടത്തിലേത് പോലെയല്ലെന്ന് വ്യക്തമായതോടെയാണ് കൊലപാതകത്തിന്റെ ചുരുളഴിഞ്ഞത്. തുടർന്ന് സിസിടിവി ദൃശ്യങ്ങളും സാങ്കേതിക വിവരങ്ങളും കേന്ദ്രീകരിച്ച് നടത്തിയ അന്വേഷണം കാമുകനായ ഗംഗാശേഖറിലേക്ക് എത്തിച്ചേർന്നു. പൊലീസിന്റെ ചോദ്യം ചെയ്യലിൽ പ്രതി കുറ്റം പൂർണ്ണമായി സമ്മതിച്ചു. കഴിഞ്ഞ നാല് വർഷമായി തങ്ങൾ പ്രണയത്തിലാണെന്നും, തങ്ങളുടെ ബന്ധത്തിന് തടസ്സമില്ലാതാക്കാനും രാജയ്യയുടെ പേരിലുള്ള വലിയ തുകയുടെ ഇൻഷുറൻസ് പണം കൈക്കലാക്കാനുമാണ് കൊലപാതകം ആസൂത്രണം ചെയ്തതെന്ന് പ്രതികൾ വെളിപ്പെടുത്തി. രാജയ്യയ്ക്ക് മദ്യം നൽകി ബോധംകെടുത്തിയ ശേഷം ഇരുമ്പ് വടികൊണ്ട് തലയ്ക്കടിച്ച് കൊലപ്പെടുത്തുകയായിരുന്നു. തുടർന്ന് അപകടമാണെന്ന് വരുത്തിത്തീർക്കാൻ മൃതദേഹവും ബൈക്കും റോഡിൽ ഉപേക്ഷിക്കുകയാണ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
(Insurance Murder Case)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
Telangana Police
സന്ദർശിക്കാം.
കൂടുതൽ വാർത്തകൾക്ക് Media7News സന്ദർശിക്കൂ
About The Author
