Hormuz digital toll: ലോക ഇന്റർനെറ്റ് കേബിളുകൾക്ക്...

ഹോർമുസ് കടലിടുക്കിൽ ‘ഡിജിറ്റൽ ടോൾ ബൂത്ത്’; ഇന്റർനെറ്റ് കേബിളുകൾക്ക് നികുതി ഈടാക്കാൻ ഇറാൻ നീക്കം?

ലോകത്തിലെ ഏറ്റവും തന്ത്രപ്രധാനമായ ജലപാതകളിലൊന്നായ ഹോർമുസ് കടലിടുക്കിൽ ‘ഡിജിറ്റൽ ടോൾ ബൂത്ത്’ സ്ഥാപിക്കാൻ ഇറാൻ നീക്കം നടത്തുന്നതായി റിപ്പോർട്ട് (Hormuz digital toll). കടലിനടിയിലൂടെ കടന്നുപോകുന്ന അന്താരാഷ്ട്ര ഇന്റർനെറ്റ് കേബിളുകളുടെ ശൃംഖലയിൽ നിന്ന് വരുമാനം കണ്ടെത്താനാണ് ഇസ്ലാമിക് റെവല്യൂഷണറി ഗാർഡ് കോർപ്സുമായി (IRGC) ബന്ധപ്പെട്ട വൃത്തങ്ങൾ ലക്ഷ്യമിടുന്നത്. പ്രതിദിനം 10 ട്രില്യൺ ഡോളറിന്റെ സാമ്പത്തിക ഇടപാടുകൾ നടക്കുന്ന മേഖല എന്ന നിലയിൽ ഈ കേബിളുകൾക്ക് നികുതി ഈടാക്കാനുള്ള മൂന്ന് ഘട്ടങ്ങളുള്ള പദ്ധതി ഇറാൻ ആസൂത്രണം ചെയ്യുന്നതായി ടാസ്‌നിം വാർത്താ ഏജൻസി റിപ്പോർട്ട് ചെയ്യുന്നു. ആവശ്യങ്ങൾ അംഗീകരിച്ചില്ലെങ്കിൽ കേബിളുകൾ വിച്ഛേദിക്കുമെന്നും ഓരോ കപ്പലിനും 20 ലക്ഷം ഡോളർ വീതം പിഴ ഈടാക്കുമെന്നും ഇറാനിയൻ ഉദ്യോഗസ്ഥർ ഭീഷണി മുഴക്കിയതായും സൂചനയുണ്ട്.