G Sukumaran Nair Criticism: സതീശന്റെ തിരഞ്ഞെടുപ്പിൽ..

“ജനാധിപത്യ ധ്വംസനം; സതീശന്റെ തിരഞ്ഞെടുപ്പിൽ കീഴ്വഴക്കങ്ങൾ ലംഘിക്കപ്പെട്ടു”; കടുത്ത വിമർശനവുമായി ജി. സുകുമാരൻ നായർ!

വി.ഡി. സതീശനെ മുഖ്യമന്ത്രിയായി തിരഞ്ഞെടുത്ത ഹൈക്കമാൻഡ് തീരുമാനത്തിനെതിരെ രൂക്ഷവിമർശനവുമായി എൻഎസ്എസ് ജനറൽ സെക്രട്ടറി ജി. സുകുമാരൻ നായർ. (G Sukumaran Nair Criticism) മുഖ്യമന്ത്രിയെ നിശ്ചയിച്ചതിൽ ജനാധിപത്യ രീതിയോ കീഴ്വഴക്കങ്ങളോ പാലിക്കപ്പെട്ടിട്ടില്ലെന്നും ഇത് മുസ്ലിം ലീഗ് ഭരണത്തിൽ പിടിമുറുക്കുന്നതിന്റെ സൂചനയാണെന്നും അദ്ദേഹം വാർത്താസമ്മേളനത്തിൽ ആരോപിച്ചു. മാനദണ്ഡങ്ങൾ പ്രകാരം രമേശ് ചെന്നിത്തലയായിരുന്നു മുഖ്യമന്ത്രി സ്ഥാനത്തിന് മുന്നിലുണ്ടായിരുന്നത്. ലീഗിന്റെ സമ്മർദ്ദത്തിന് വഴങ്ങിയുള്ള ഈ തീരുമാനം ഭരണത്തിൽ സാമൂഹികനീതി ഇല്ലാതാക്കുമെന്നും വർഗീയത രൂക്ഷമാക്കാൻ ഇടയാക്കുമെന്നും സുകുമാരൻ നായർ പറഞ്ഞു. സതീശൻ നയിക്കുമെന്നത് പാണക്കാട് തങ്ങളുടെ വിശ്വാസമായിരിക്കാം, എന്നാൽ തങ്ങൾക്കതിൽ വിശ്വാസമില്ലെന്നും കോൺഗ്രസ് കീഴ്വഴക്കങ്ങൾ തെറ്റിച്ചതായും അദ്ദേഹം കൂട്ടിച്ചേർത്തു.