FIFA World Cup Productivity impact on UAE employees
#FIFAWorldCup2026 #UAEPRovasis #WorkFromHome #GulfTalentSurvey #FootballCraze #MiddleEastCompanies #EmployeeProductivity #KeraliteInUAE #WorldCupFever #SportsAndWork
അമേരിക്ക, മെക്സിക്കോ, കാനഡ എന്നീ രാജ്യങ്ങളിലായി ജൂൺ 11 മുതൽ ജൂലായ് 19 വരെ നടക്കുന്ന ഫിഫ ലോകകപ്പ് മിഡിൽ ഈസ്റ്റിലെ കമ്പനികളെയും ജീവനക്കാരെയും പ്രതിസന്ധിയിലാക്കുന്നതായി റിപ്പോർട്ട്. യുഎഇ സമയപ്രകാരം രാത്രി എട്ട് മണി മുതൽ രാവിലെ എട്ട് മണി വരെയുള്ള സമയങ്ങളിലാണ് ഭൂരിഭാഗം മത്സരങ്ങളും നടക്കുന്നത്. ഫുട്ബോളിനോടുള്ള കടുത്ത അഭിനിവേശം കാരണം യുഎഇയിലെ പ്രവാസികൾ ഉൾപ്പെടെയുള്ള ജീവനക്കാർ രാത്രി ഉറക്കമിളച്ച് കളി കാണുന്നത് കമ്പനികളിലെ ഉൽപ്പാദനക്ഷമതയെ ബാധിക്കാൻ സാധ്യതയുണ്ടെന്നാണ് വിലയിരുത്തൽ. ഈ സാഹചര്യത്തിൽ ജീവനക്കാരുടെ ബുദ്ധിമുട്ട് ഒഴിവാക്കാനും ജോലി കാര്യക്ഷമമാക്കാനും പല കമ്പനികളും ജീവനക്കാർക്ക് ‘വർക്ക് ഫ്രം ഹോം’ (വീട്ടിലിരുന്ന് ജോലി ചെയ്യാനുള്ള) സൗകര്യം അനുവദിച്ചു കഴിഞ്ഞു. കളി ആസ്വദിക്കാനായി നിരവധി ജീവനക്കാർ വാർഷിക അവധി എടുക്കുന്നതായും എച്ച്.ആർ കൺസൾട്ടന്റുകൾ വ്യക്തമാക്കുന്നു.
സൗദി അറേബ്യ, ഖത്തർ ഉൾപ്പെടെ എട്ട് അറബ് രാജ്യങ്ങൾ ഇത്തവണ ലോകകപ്പിൽ മാറ്റുരയ്ക്കുന്നുണ്ട്. 2026-ലെ ഫുട്ബോൾ ലോകകപ്പ് കാലയളവിൽ മിഡിൽ ഈസ്റ്റിലുടനീളമുള്ള കമ്പനികളിലെ ഉൽപ്പാദനക്ഷമതയിൽ ഗണ്യമായ ഇടിവുണ്ടാകുമെന്ന് പ്രമുഖ റിക്രൂട്ട്മെന്റ് ഏജൻസിയായ ‘ഗൾഫ് ടാലന്റ്’ നടത്തിയ സർവേയിൽ കണ്ടെത്തിയിരുന്നു. സർവേ പ്രകാരം പുരുഷന്മാരിൽ 87 ശതമാനവും സ്ത്രീകളിൽ 74 ശതമാനവും കളി കാണുന്നത് മൂലം ഈ പ്രശ്നം നേരിടാം. ഇതിൽ പകുതിയോളം പേരും രാത്രി മുഴുവൻ ഉണർന്നിരുന്ന് കളി കാണുന്നവരാണ്. മത്സരങ്ങൾ കാരണം 30 ശതമാനം പേർ ഉറക്കക്ഷീണത്തോടെ ജോലി ചെയ്യുമെന്നും, 8 ശതമാനം പേർ ഓഫീസിലെത്താൻ വൈകുമെന്നും, 8 ശതമാനം പേർ വാർഷിക അവധിയെടുക്കുമെന്നും സർവേ വ്യക്തമാക്കുന്നു. ഉറക്കമില്ലായ്മ കാരണം 2 ശതമാനം പേർക്ക് ആരോഗ്യപ്രശ്നങ്ങൾ ഉണ്ടായേക്കാമെന്നും സർവേ റിപ്പോർട്ടിൽ പറയുന്നു.
(FIFA World Cup Productivity)
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക്
GulfTalent
സന്ദർശിക്കാം.
കൂടുതൽ വാർത്തകൾക്ക് Media7News സന്ദർശിക്കൂ
About The Author
