Domestic Abuse Case investigation involving alleged assault and domestic violence in Chhattisgarh
Domestic Abuse Case ആയി ദേശീയ തലത്തിൽ ശ്രദ്ധ നേടുന്ന ഈ സംഭവത്തിൽ യുവതി ഉയർത്തിയ ഗുരുതര ആരോപണങ്ങൾ വലിയ ഞെട്ടലാണ് സൃഷ്ടിച്ചിരിക്കുന്നത്. പരാതിയുടെ അടിസ്ഥാനത്തിൽ പോലീസ് അന്വേഷണം ശക്തമാക്കിയിട്ടുണ്ട്.
കുടുംബപീഡന പരാതിയിൽ പോലീസ് അന്വേഷണം | Domestic Abuse Case
ഛത്തീസ്ഗഢിലെ കൊറിയ ജില്ലയിൽ പ്രണയവിവാഹത്തിന് ശേഷം 15 വർഷം ഒരുമിച്ച് ജീവിച്ച ഭർത്താവിൽ നിന്നും യുവതിക്ക് നേരിടേണ്ടി വന്നത് സമാനതകളില്ലാത്ത കൊടും പീഡനം. ഭർത്താവിന്റെ നിരന്തരമായ ഉപദ്രവം സഹിക്കാനാകാതെ നാല് മക്കളുമായി സുഹൃത്തിന്റെ വീട്ടിൽ മാറി താമസിക്കുകയായിരുന്ന താര എന്ന യുവതിയാണ് ക്രൂരതയ്ക്ക് ഇരയായത്. ജൂൺ 14-ന് ഇവിടെയെത്തിയ ഭർത്താവ് ജിതേന്ദ്ര ഘാസിയ, ഭാര്യയ്ക്ക് അവിഹിത ബന്ധമുണ്ടെന്ന് ആരോപിച്ച് വഴക്കുണ്ടാക്കുകയും വീടിന് പുറത്തേക്ക് വലിച്ചിഴച്ച് കൊണ്ടുപോവുകയുമായിരുന്നു. തുടർന്ന് യുവതിയുടെ കൈകാലുകൾ തുണികൊണ്ട് കെട്ടിയിട്ട് ക്രൂരമായി മർദ്ദിക്കുകയും, കത്രിക ഉപയോഗിച്ച് മുടി മുറിച്ച ശേഷം തല പൂർണ്ണമായും മുണ്ഡനം ചെയ്യുകയും ചെയ്തു. മുഖത്ത് എൻജിൻ ഓയിലും കരിയും തേച്ചുപിടിപ്പിച്ച ശേഷം നിർബന്ധിച്ച് മൂത്രം കുടിപ്പിച്ചതായും തന്നെ ജീവനോടെ കത്തിക്കാൻ ഭർത്താവ് ഭീഷണിപ്പെടുത്തിയതായും യുവതി പോലീസിന് മൊഴി നൽകി.
മക്കളുടെ മുന്നിലിട്ടായിരുന്നു ജിതേന്ദ്രയുടെ ഈ ക്രൂരതകളെല്ലാം. അമ്മയുടെ കരണത്തടിക്കാൻ ഇയാൾ മക്കളോട് ആവശ്യപ്പെടുകയും, മക്കളിൽ ഒരാളെക്കൊണ്ട് മൂത്രം ശേഖരിച്ച ശേഷമാണ് തനിക്ക് നിർബന്ധിച്ച് കുടിപ്പിച്ചതെന്നും യുവതി പരാതിയിൽ പറയുന്നു. ഈ ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിച്ചതോടെയാണ് സംഭവം പുറംലോകമറിയുന്നത്. എന്നാൽ, ഭാര്യ തന്നെയും മക്കളെയും ഉപേക്ഷിച്ച് മറ്റ് പുരുഷന്മാർക്കൊപ്പം ഒളിച്ചോടിയതാണെന്നാണ് വീഡിയോയിൽ ഭർത്താവ് ആരോപിക്കുന്നത്. യുവതിയുടെ പരാതിയുടെ അടിസ്ഥാനത്തിൽ ജിതേന്ദ്ര ഘാസിയയ്ക്കെതിരെ ഗുരുതരമായ വകുപ്പുകൾ ചുമത്തി പോലീസ് കേസെടുത്തിട്ടുണ്ട്. പ്രതിയെ ഉടൻ തന്നെ കോടതിയിൽ ഹാജരാക്കി റിമാൻഡ് ചെയ്യുമെന്ന് പോലീസ് വ്യക്തമാക്കി.
കൂടുതൽ വിവരങ്ങൾ Media7news.com-ൽ വായിക്കുക.
ഔദ്യോഗിക വിവരങ്ങൾക്ക് Chhattisgarh Police സന്ദർശിക്കാം.
വാർത്തകൾ ഇനി ഇൻസ്റ്റഗ്രാമിലും, ക്ലിക്ക് ചെയ്യുക
കൂടുതൽ വാർത്തകൾക്ക് Media7News സന്ദർശിക്കൂ
About The Author
