Delhi Fuel Crisis: ഡൽഹിയിൽ വർക്ക് ഫ്രം ഹോം...

ഇന്ധനപ്രതിസന്ധി: ഡൽഹിയിൽ വർക്ക് ഫ്രം ഹോം പ്രഖ്യാപിച്ചു; പ്രധാനമന്ത്രിയുടെ ചെലവുചുരുക്കൽ ആഹ്വാനത്തിനെതിരെ പ്രതിഷേധം!

ആഗോള ഇന്ധനവില വർദ്ധനവും വിതരണ ശൃംഖലയിലെ തടസ്സങ്ങളും നേരിടാൻ പ്രധാനമന്ത്രി നരേന്ദ്ര മോദി നടത്തിയ ചെലവുചുരുക്കൽ ആഹ്വാനത്തിന് പിന്നാലെ ഡൽഹിയിൽ സർക്കാർ സ്ഥാപനങ്ങളിൽ വർക്ക് ഫ്രം ഹോം അനുവദിച്ചു. (Delhi Fuel Crisis) ആഴ്ചയിൽ രണ്ട് ദിവസം സർക്കാർ ഓഫീസുകൾക്ക് വർക്ക് ഫ്രം ഹോം ആയിരിക്കുമെന്നും വാഹനങ്ങളുടെ ഉപയോഗം കുറയ്ക്കണമെന്നും ഡൽഹി മുഖ്യമന്ത്രി രേഖാ ഗുപ്ത അറിയിച്ചു. വിദേശയാത്രകൾ, വിദേശത്തെ വിവാഹാഘോഷങ്ങൾ, സ്വർണ്ണ ഇറക്കുമതി എന്നിവ കുറയ്ക്കാനും പെട്രോൾ-ഡീസൽ ഉപയോഗം നിയന്ത്രിക്കാനും പ്രധാനമന്ത്രി നിർദ്ദേശിച്ചിരുന്നു. എന്നാൽ, പ്രധാനമന്ത്രിയുടെ ഈ നീക്കം ഭരണപരാജയത്തിന്റെ തെളിവാണെന്ന് കോൺഗ്രസ് ആരോപിച്ചു. നയപരമായ പരാജയങ്ങൾ ജനങ്ങളുടെ മേൽ അടിച്ചേൽപ്പിക്കുകയാണെന്ന് രാഹുൽ ഗാന്ധി വിമർശിച്ചു.