Cristiano Ronaldo Title: അവസാന നിമിഷ സമനിലയിൽ...

അവസാന നിമിഷം സമനിലക്കുരുക്ക്; ക്രിസ്റ്റ്യാനോയുടെ കിരീടസ്വപ്നം ഇനിയും നീളും!

സൗദി പ്രോ ലീഗിൽ അൽ നസറിന് കന്നി കിരീടം നേടാൻ ഇനിയും കാത്തിരിക്കണം. (Cristiano Ronaldo Title) രണ്ടാം സ്ഥാനക്കാരായ അൽ ഹിലാലിനെതിരായ ആവേശപ്പോരാട്ടം 1-1 സമനിലയിൽ അവസാനിച്ചതാണ് ക്രിസ്റ്റ്യാനോ റൊണാൾഡോയ്ക്കും സംഘത്തിനും തിരിച്ചടിയായത്. മത്സരത്തിന്റെ 37-ാം മിനിറ്റിൽ മുഹമ്മദ് സിമാകാനിലൂടെ അൽ നസർ ലീഡെടുത്തെങ്കിലും, 98-ാം മിനിറ്റിൽ അൽ നസർ ഗോൾകീപ്പർ ബെന്റോയുടെ പിഴവിൽ നിന്ന് അൽ ഹിലാൽ സമനില ഗോൾ കണ്ടെത്തുകയായിരുന്നു. വിജയമുറപ്പിച്ച ഘട്ടത്തിൽ ഗോൾ വഴങ്ങിയത് താരങ്ങളെയും ആരാധകരെയും കടുത്ത നിരാശയിലാഴ്ത്തി. നിലവിൽ 33 മത്സരങ്ങളിൽ നിന്ന് 83 പോയിന്റുമായി അൽ നസർ പട്ടികയിൽ ഒന്നാമതാണ്. ശേഷിക്കുന്ന ഒരു മത്സരത്തിൽ വിജയിച്ചാൽ മാത്രമേ ക്രിസ്റ്റ്യാനോയ്ക്കും സംഘത്തിനും ലീഗ് കിരീടത്തിൽ മുത്തമിടാൻ സാധിക്കൂ. 78 പോയിന്റുള്ള അൽ ഹിലാലിനും ശേഷിക്കുന്ന മത്സരങ്ങൾ നിർണായകമാണ്.